Нақшаи даъвати ҳарбӣ дар Тоҷикистон 98 фоиз иҷро гардид
ДУШАНБЕ, 21.11.2025 /АМИТ «Ховар»/. Аз оғози даъвати тирамоҳии шаҳрвандон ба хизмати ҳатмии ҳарбӣ дар Ҷумҳурии Тоҷикистон нақшаи даъват дар ҳудуди ҷумҳурӣ 98 фоиз иҷро шуд. Дар ин хусус ба АМИТ «Ховар» аз Раёсати иттилоот ва робита бо ҷомеаи Вазорати мудофиаи Ҷумҳурии Тоҷикистон хабар доданд.
Маъракаи даъват ба хизмати ҳарбӣ яке аз чорабиниҳои муҳими давлатӣ ба шумор меравад, ки ҳамасола дар ду мавсим ва дар асоси Фармони Президенти Ҷумҳурии Тоҷикистон ба роҳ монда мешавад. Ҳоло дар саросари мамлакат даъвати тирамоҳӣ ба хизмати ҳарбӣ идома дорад. Дар рӯзи якуми даъват Вилояти Мухтори Кӯҳистони Бадахшон нақшаи пешбинигардидаро пурра ва дар сатҳи баланд иҷро намуд.
Фаъолияти назарраси масъулини самти даъват дар шаҳри Душанбе ва шаҳру ноҳияҳои вилояти Хатлон боиси он гардид, ки онҳо низ нақшаи пешбинигардидаро сад фоиз ва пеш аз муҳлати муқарраргардида иҷро намуданд. Дар дигар шаҳру ноҳияҳои мамлакат низ ин маъракаи муҳим идома ёфта, бо гузашти қариб панҷоҳ рӯз нақшаи даъват дар вилояти Суғд зиёда аз 96 фоизро ташкил дод. Ҳоло шаҳру ноҳияҳои Айнӣ, Кӯҳистони Мастчоҳ, Шаҳристон, Панҷакент, Истиқлол, Бӯстон, Гулистон, Спитамен, Ҷаббор Расулов, Исфара, Хуҷанд ва Бобоҷон Ғафуров нақшаи даъвати тирамоҳӣ ба хизмати ҳатмии ҳарбиро пурра иҷро намудаанд.
Масъулини вобаста ба даъват дар шаҳру ноҳияҳои тобеи ҷумҳурӣ низ дар давраи сипаригардида нақшаи пешбинигардидаро беш аз 97 фоиз иҷро карданд. Аз маҷмуи шаҳру ноҳияҳои тобеи ҷумҳурӣ Сангвор, Нуробод, Рашт, Тоҷикобод, Лахш, Роғун, Файзобод, Турсунзода, Ҳисор ва Варзоб иҷрои нақшаро пурра таъмин намуданд.
АКС: Раёсати иттилоот ва робита бо ҷомеаи Вазорати мудофиаи Ҷумҳурии Тоҷикистон
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
Ҳабибулло Воҳидзода бо аъзои иттиҳодияи ҷамъиятии «Пайравони Пешвои миллат» вохӯрӣ намуд
