Нақшаи даъвати ҳарбӣ дар Тоҷикистон қариб 96 фоиз иҷро гардид
ДУШАНБЕ, 12.11.2025 /АМИТ «Ховар»/. Давоми чил рӯзи ҷараёни даъвати тирамоҳии шаҳрвандон ба хизмати ҳарбӣ нақшаи даъват дар ҳудуди ҷумҳурӣ қариб 96 фоиз иҷро гардид. Дар ин хусус ба АМИТ «Ховар» аз Раёсати иттилоот ва робита бо ҷомеаи Вазорати мудофиаи Ҷумҳурии Тоҷикистон хабар доданд.
Шуруъ аз 1 октябри соли равон дар асоси Фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1998-2007-и Ҷумҳурии Тоҷикистон ба хизмати ҳарбӣ» даъвати тирамоҳии ҷавонон ба хизмати ҳатмии ҳарбӣ идома дорад.
Тавре қаблан иттилоъ додем, Вилояти Мухтори Кӯҳистони Бадахшон нақшаи пешбинигардидаро дар рӯзи якуми даъват пурра ва дар сатҳи баланд иҷро намуд.
То ин давра шаҳри Душанбе ва шаҳру ноҳияҳои вилояти Хатлон низ фаъолияти назаррас нишон дода, нақшаи пешбинигардидаро дар самти даъват сад фоиз иҷро намуданд. Бо гузашти чил рӯз нақшаи даъват дар вилояти Суғд 89 фоизро ташкил медиҳад. То ин муддат шаҳру ноҳияҳои Айнӣ, Кӯҳистони Мастчоҳ, Шаҳристон, Панҷакент, Истиқлол, Бӯстон, Гулистон ва Спитамен нақшаи гусели ҷавонписаронро ба хизмати ҳатмии ҳарбӣ пурра иҷро намуданд.
Дар шаҳру ноҳияҳои тобеи ҷумҳурӣ низ дар муддати чил рӯз нақшаи пешбинигардида қариб 95 фоиз иҷро карда шуд. Аз маҷмуи шаҳру ноҳияҳои тобеи ҷумҳурӣ Сангвор, Нуробод, Рашт, Тоҷикобод, Лахш, Роғун, Файзобод, Турсунзода ва Ҳисор якумин шуда, иҷрои нақшаро пурра таъмин намуданд.
АКС: Раёсати иттилоот ва робита бо ҷомеаи Вазорати мудофиаи Ҷумҳурии Тоҷикистон
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
НИШАСТИ МАТБУОТӢ. Дар шаш моҳи соли 2026 сатҳи ҷинояткорӣ байни ноболиғон ва ҷавонон зиёд шудааст
