35-СОЛАГИИ ИСТИҚЛОЛИ ДАВЛАТӢ. Дар ноҳияи Ёвон муассисаҳои соҳаи маориф бунёд мегарданд
ДУШАНБЕ, 12.12.2025 /АМИТ «Ховар»/. Дар доираи омодагиҳо ба ҷашни 35-солагии Истиқлоли давлатии Ҷумҳурии Тоҷикистон дар ноҳияи Ёвон сохтмони муассисаҳои соҳаи маориф идома дорад. Аз ҷумла, дар назди Муассисаи таҳсилоти миёнаи умумии №17-и деҳаи Ғарав сохтмони бинои иловагии сеошёна идома дорад. Дар ин хусус ба АМИТ «Ховар» аз Мақомоти иҷроияи ҳокимияти давлатии ноҳияи Ёвон хабар доданд.
Зимни шиносоӣ Раиси ноҳияи Ёвон Икромиддин Вализода иброз дошт, ки ин иқдом намунаи барҷастаи татбиқи сиёсати маорифпарваронаи Ҳукумати Ҷумҳурии Тоҷикистон таҳти роҳбарии Пешвои миллат муҳтарам Эмомалӣ Раҳмон мебошад.
Иншоот бо дастгирии Мақомоти иҷроияи ҳокимияти давлатии ноҳия ва саҳми ватандӯстонаи соҳибкорон, инчунин иштироки фаъолонаи сокинони деҳаи Ғарав бунёд гардидааст. Он аз 26 синфхонаи таълимӣ иборат буда, барои 1300 хонанда дар ду баст пешбинӣ гардидааст.
Ҳоло корҳои сохтмонӣ дар иншоот ҷараён дошта, тибқи нақша, дар арафаи Ҷашни байналмилалии Наврӯз бинои нав бо тарҳи замонавӣ ва шароити беҳтари таълим мавриди истифода қарор дода мешавад.
Дар муассисаи таҳсилоти томактабии «Ситора» гузаргоҳи электронии назорати ҳузур ва амнияти кӯдакон ба истифода дода шуд.
Амалисозии чунин ташаббусҳо ба сиёсати давлатии рақамикунонии соҳаи маориф, беҳтар намудани сатҳи идоракунӣ ва таъмини амнияти тарбиягирандагон мутобиқат мекунад.
Чунин тадбир дар ноҳия нахустин буда, татбиқи низоми электронии даромаду баромад имконият медиҳад, ки назорати дақиқи ҳузури кӯдакон ва кормандон таъмин гардад, волидон дар бораи ворид ва хориҷ шудани фарзандонашон тавассути барномаҳои махсус огоҳӣ гиранд, шаффофият ва интизом дар раванди идоракунӣ баланд бардошта шавад ва сатҳи амният дар муассиса баланд бардошта шуда, ҳолатҳои дастрасии шахсони тасодуфӣ пешгирӣ гардад.
Ба масъулин дастур дода шуд, ки системаи электрониро ба таври мунтазам фаъол ва махзани маълумотро сари вақт навсозӣ карда, бо волидон корҳои фаҳмондадиҳӣ пеш баранд.
АКС: Мақомоти иҷроияи ҳокимияти давлатии ноҳияи Ёвон
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон беш аз 200 иншооти таъйиноти гуногун сохта мешавад
Дар шоҳроҳи Ёвон-Душанбе маъракаи ниҳолшинонӣ оғоз ёфт
35-СОЛАГИИ ИСТИҚЛОЛИ ДАВЛАТӢ. Дар деҳаи Калфи Сабади ноҳияи Ёвон майдони варзишии муосир сохта мешавад
Дар шаҳру ноҳияҳои вилояти Суғд беш аз 2 ҳазор километр роҳ таъмиру навсозӣ карда шуд
«Равобит бо олами Ғарб: нақши Пешвои миллат ва дипломатияи тоҷик». Таҳти чунин унвон китоби нав ба нашр расид
Пешвои миллат Эмомалӣ Раҳмон бинои нави Раёсати минтақавии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар гурӯҳи ноҳияҳои водии Ҳисорро ифтитоҳ намуданд
Сарвари давлат Эмомалӣ Раҳмон ҶДММ «Бозори Турсунзода»-ро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода ба фаъолияти корхонаи маҳсулоти алюминии ҶДММ «Алюминийи аввалин» оғоз бахшиданд
Пешвои миллат Эмомалӣ Раҳмон дар шаҳри Турсунзода 6 кӯдакистони хусусиро ба таври фосилавӣ мавриди истифода қарор доданд
Сарвари давлат Эмомалӣ Раҳмон дар шаҳри Турсунзода бинои Муассисаи таҳсилоти томактабии хусусии «Ғунчаҳои Истиқлол»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Турсунзода 8 муассисаи таҳсилоти миёнаи умумиро тариқи фосилавӣ ба истифода доданд
Пешвои миллат Эмомалӣ Раҳмон дар деҳаи Регари шаҳри Турсунзода Муассисаи таҳсилоти миёнаи умумии № 23-ро ба истифода доданд
