Бинои хобгоҳи донишҷӯёни Донишгоҳи давлатии Бохтар барои 460 нафар пешбинӣ шудааст
ДУШАНБЕ, 27.12.2025 /АМИТ «Ховар»/. Бинои хобгоҳи донишҷӯёни Донишгоҳи давлатии Бохтар ба номи Носири Хусрав, ки 25 декабри соли равон бо иштироки Президенти мамлакат муҳтарам Эмомалӣ Раҳмон ба истифода дода шуд, дорои 153 ҳуҷраи истиқоматӣ буда, барои 460 нафар пешбинӣ шудааст. Дар ин рӯз, ҳамчунин бо иштироки Пешвои миллат ҷиҳати сохтмони бинои нави хобгоҳ барои донишҷӯён, ки дорои 125 ҳуҷра бо 375 рахти хоб хоҳад буд, санги асос гузошта шуд.
Бояд гуфт, ки раёсати Донишгоҳи давлатии Бохтар ба номи Носири Хусрав дар баробари рушди соҳаи таълим ба дастгирии иҷтимоии устодону донишҷӯёни эҳтиёҷманд низ таваҷҷуҳи хос зоҳир менамояд. Аз ҷумла, дар бинои хобгоҳи ифтитоҳгардида барои донишҷӯён тамоми шароити зарурии муосир, аз ҷумла утоқҳои барҳавои хоб, толорҳои мутолиа, китобхона, ошхона, нуқтаҳои хизматрасонӣ, ҳуҷраҳои тиббӣ ва дигар иншооти ёрирасон фароҳам оварда шудааст.
Ёдовар мешавем, ки соли 2025 тибқи раддабандии Агентии назорати давлатии соҳаи маориф Донишгоҳи давлатии Бохтар ба номи Носири Хусрав тавонист мавқеяшро дар даҳгонаи беҳтарин муассисаҳои таҳсилоти олии касбии Тоҷикистон ҳифз намояд.
Тибқи иттилои масъулин, дар назди донишгоҳ як литсейи вобаста, Институти илмӣ-таҳқиқотии табиатшиносӣ ва техникӣ, Маркази Мавлоношиносӣ, маркази касбомӯзӣ, се маркази забономӯзӣ, аз ҷумла марказҳои омӯзиши забонҳои англисӣ, русӣ, забон ва фарҳанги Корея фаъолият доранд. Дар баробари ин донишгоҳ дорои 14 факултет ва 45 кафедра мебошад. Ба ҳолати моҳи июли соли равон, 621 омӯзгор дар донишгоҳ ба таълим ва таҳқиқ машғул буда, аз ин шумора 21 нафар докторони илм ва профессорони доимӣ, 205 нафар дотсентону номзадони илм ва 395 нафар саромӯзгорону ассистентон мебошанд. Ҳиссаи умумии омӯзгорони унвондор дар донишгоҳ 36,3 фоизро ташкил медиҳад.
Тибқи маълумоти пешниҳодшуда, шумораи умумии донишҷӯёни донишгоҳ ба зиёда аз 15 ҳазор нафар мерасад.
Рухсораи НУР,
АМИТ «Ховар»
АКС: Хадамоти матбуоти Президенти Ҷумҳурии Тоҷикистон
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
