Дар Шаҳринав дар мавзуи ваҳдату ҳамгироӣ ва дӯстии халқу миллатҳо вохӯрӣ доир шуд
ДУШАНБЕ, 09.12.2025 /АМИТ «Ховар»/. 8 декабр бо ташаббуси Кумитаи иҷроияи Ҳаракати ваҳдати миллӣ ва эҳёи Тоҷикистон дар Муассисаи таҳсилоти миёнаи умумии №21 дар мавзуи «Ваҳдату ҳамгироӣ ва дӯстии халқу миллатҳо – асоси пешрафту шукуфоӣ» бо сокинони Ҷамоати шаҳраки ба номи Мирзо Турсунзодаи ноҳияи Шаҳринав мулоқот баргузор гардид.
Дар вохӯрӣ Раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукаррам, Раиси Шурои уламои Маркази исломии Ҷумҳурии Тоҷикистон Саидмукаррам Абдуқодирзода, аъзои Шурои куҳансолони Ҳаракати ваҳдати миллӣ ва эҳёи Тоҷикистон Шерхон Салимзода ва Раиси ноҳияи Шаҳринав Абдуқодир Вализода иштирок намуданд.
Рудобаи Мукаррам иброз дошт, ки ваҳдати миллӣ асоси субот, нерӯи муттаҳидсозандаи ҷомеа ва кафолати ояндаи дурахшони миллат аст.
Мавсуф аз таърихи пуршарафу пурифтихори тоҷикон ёдовар шуда, таъкид намуд, ки миллати тоҷик дар лаҳзаҳои душвори таърихӣ ҳамеша бо такя ба ҳамбастагӣ аз озмоишҳо гузаштааст. Имрӯз низ, дар шароити мураккаби ҷаҳони муосир, гиромидошти ваҳдат ва ҳифзи субот вазифаи муқаддаси миллат боқӣ мемонад.
«Посдорӣ аз забон, фарҳанг, урфу одатҳои миллӣ ва таърихи бостон худ қисми муҳими ҳифзи ваҳдати миллӣ аст. Пешвои миллат муҳтарам Эмомалӣ Раҳмон имрӯз ҳамчун мунодии сулҳу субот ва пешвои тамоми тоҷикони ҷаҳон эътироф гардидаанд. Маҳз сиёсати созанда, хирадмандона ва ваҳдатофарини Пешвои миллат пояҳои давлатдории навини тоҷиконро устувор намуда, сулҳу оромӣ ва суботи пойдорро таъмин намудааст»,-афзуд Раиси Кумитаи иҷроияи Ҳаракати ваҳдати миллӣ ва эҳёи Тоҷикистон .
Дар ҳамоиш таъкид гардид, ки ҳифзи дастовардҳои арзандаи сулҳу ваҳдати миллӣ вазифаи муқаддаси ҳар шаҳрванди мамлакат аст, зеро маҳз ваҳдати миллӣ аз муҳити ҳар як хонадон, аз муносибати солими инсон бо инсон ва аз эҳтироми арзишҳои миллӣ оғоз меёбад.
Дар идомаи вохӯрӣ иштирокдорон оид ба нақши арзишҳои маънавию ахлоқӣ дар таҳкими ваҳдати ҷомеа, сабақҳои таърихӣ, зарурати ҳифзи сулҳу субот ва масъулияти шаҳрвандӣ дар ҳимояи дастовардҳои миллӣ сухан намуданд.
Аз ҷониби Кумитаи иҷроияи Ҳаракати ваҳдати миллӣ ва эҳёи Тоҷикистон ба китобхонаи Муассисаи таҳсилоти миёнаи умумии №21 – и Ҷамоати шаҳраки ба номи Мирзо Турсунзодаи ноҳияи Шаҳринав ҷилдҳои китоби «Ваҳдат, Давлат, Президент» туҳфа карда шуд.
АКС: Ҳаракати ваҳдати миллӣ ва эҳёи Тоҷикистон
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
