Оид ба омӯзиши илмҳои криосфера ва ҳифзи пиряхҳо ҳамоиши илмӣ баргузор шуд
ДУШАНБЕ, 26.12.2025 /АМИТ «Ховар»/. Дар Маркази омӯзиши пиряхҳои Академияи миллии илмҳои Тоҷикистон таҳти унвони «Омӯзиши илмҳои криосфера ва ҳифзи пиряхҳо дар меҳвари Паёми Президент: аз сиёсат то амал» ҳамоиши илмӣ доир гардид.
Тавре АМИТ «Ховар» бо истинод ба Академияи миллии илмҳо хабар медиҳад, иштирокдорон оид ба самтҳои муҳими Паёми Президенти Тоҷикистон ба Маҷлиси Олии Ҷумҳурии Тоҷикистон, масъалаҳои илму маориф, тайғирёбии иқлим, тарбияи насли наврас ва баланд бардоштани сатҳи маърифатнокӣ ибрози назар намуданд.
Таъкид шуд, ки Президенти Тоҷикистон махсусан масъалаи омӯзиши пиряхҳоро яке аз самтҳои муҳими илми ватанӣ ва ҷузъи сиёсати давлатӣ номиданд. Ин аст, ки соли 2025 бо пешниҳоди Тоҷикистон ва қатъномаи Созмони Милали Муттаҳид «Соли байналмилалии ҳифзи пиряхҳо» ва солҳои 2025 – 2034 «Даҳсолаи амал барои илмҳои криосфера» эълон гардиданд.
Паёми Президенти Тоҷикистон ҳамчун роҳнамои муҳим ба фаъолияти илмӣ-таҳқиқотӣ асос гузошта, олимони ҷавон ба азхуд намудани илму технологияи муосир, омӯзиши забонҳои хориҷӣ ва навиштани мақолаҳои илмӣ дар сатҳи байналмилалӣ даъват карда шуданд.
Иброз гардид, ки минбаъд ба ҳифзи пиряхҳо, омӯзиши илмҳои криосфера ва донишу навоварӣ аҳамияти аввалиндараҷа зоҳир мегардад. Махсусан ҷавонон дар ин самт бояд қадамҳои устувор гузошта, бо омӯхтани нозукиҳои технологияи навин барои пешрафти тамоми соҳаҳои ҷомеа талош намоянд.
АКС: Академияи миллии илмҳои Тоҷикистон
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
