Сармураббиёни дастаҳои миллии Тоҷикистон дар ҷаласаи Шурои мураббиёни ФФТ ҳисобот доданд
ДУШАНБЕ, 01.12.2025 /АМИТ «Ховар»/. 28 ноябр дар дафтари Федератсияи футболи Тоҷикистон ҷаласаи Шурои мураббиён баргузор гардид, ки зимни он сармураббиёни дастаҳои миллии Тоҷикистон оид ба фаъолияташон дар соли 2025 гузориш пешниҳод карданд.
Тавре ба АМИТ «Ховар» аз Федератсияи футболи Тоҷикистон хабар доданд, дар ҷаласа ҳисоботи мураббиёни тимҳои миллии гуногун шунида шуд. Сармураббии дастаи мунтахаби то 17-солаи Тоҷикистон Марко Раҷини дар бораи омодагии даста ба Ҷоми ҷаҳон-2025 муфассал сухан гуфта, сабабҳои баромади номуваффақро дар мусобиқаи Қатар таҳлил намуд.
Сипас, сармураббии дастаи мунтахаби футзал Пайрав Воҳидов ҳисоботи фаъолияти худро пешкаш намуда, нақшаи омодагиро ба қисми ниҳоии Ҷоми Осиё-2026, ки дар Индонезия баргузор мешавад, муайян кард.
Сармураббии дастаи наврасони то 16-солаи Тоҷикистон Далер Каёсов натиҷаи бозиҳои дӯстонаи охирро шарҳ дода, дар бораи омодагии даста ба қисми ниҳоии Ҷоми Осиё-2026, ки моҳи май дар Арабистони Саудӣ баргузор мешавад, сухан гуфт.
Дар анҷом иштирокчиён нақшаҳои рушди ояндаи дастаҳои миллии Тоҷикистонро баррасӣ карданд.
АКС: Федератсияи футболи Тоҷикистон
Довар аз Тоҷикистон бозиҳои қисми ниҳоии Ҷоми футзали Осиё-2026-ро ҳакамӣ мекунад
35-СОЛАГИИ ИСТИҚЛОЛИ ДАВЛАТӢ. Дар Вилояти Мухтори Кӯҳистони Бадахшон беш аз 20 майдонча ва толори варзишӣ сохта шуд
Машғулият оид ба таҳлили бозиҳо барои мураббиёни лигаҳои наврасони Тоҷикистон оид ба футбол идома дорад
Дастаи мунтахаби Тоҷикистон оид ба футбол ба 100-гонаи беҳтаринҳои раддабандии ФИФА ворид гардид
Бозии дастаҳои мунтахаби Тоҷикистон ва Арабистони Саудӣ оид ба футзал мусовӣ анҷом ёфт
«ФУТБОЛ БА НАЗДИ ШУМО МЕОЯД». Дастаи кӯдакони ноҳияи Лахш соҳиби ҷойи аввал гардид
Дастаи мунтахаби Тоҷикистон оид ба футзал дар доираи машқҳои таълимӣ ду бозии санҷишӣ доир кард
ФУТБОЛ. Дастаи мунтахаби наврасони Тоҷикистон (U-17) Аморати Муттаҳидаи Арабро мағлуб намуд
ФУТБОЛ. Дастаи мунтахаби наврасони то 17-солаи Тоҷикистон дар бозии дӯстона дастаи Арабистони Саудиро мағлуб намуд
Дастаи мунтахаби Тоҷикистон оид ба футзал пеш аз Ҷоми Осиё-2026 се бозии санҷишӣ анҷом медиҳад
Таҷрибаи академияҳои маъруфи ҷиу-ҷитсуи ИМА барои рушди варзиш дар Тоҷикистон омӯхта мешавад
Дар Душанбе қуръакашии марҳилаи муқаддамотии Ҷоми ФФТ-2026 оид ба футбол баргузор шуд
