35-СОЛАГИИ ИСТИҚЛОЛИ ДАВЛАТӢ. Дар ноҳияи Бобоҷон Ғафуров корхонаҳои нави саноатӣ бунёд мегарданд
ДУШАНБЕ, 20.01.2026 /АМИТ «Ховар»/. Бо мақсади истиқболи сазовори 35-солагии Истиқлоли давлатии Ҷумҳурии Тоҷикистон ва бахшида ба Солҳои рушди саноат (2022-2026) дар ноҳияи Бобоҷон Ғафурови вилояти Суғд бо саҳми соҳибкорони ватанӣ якчанд корхонаи саноатӣ ва истеҳсолӣ бунёд карда мешавад. Дар ин хусус ба АМИТ «Ховар» аз хадамоти матбуоти Раиси вилояти Суғд иттилоъ доданд.
Дар ноҳияи Бобоҷон Ғафуров аз ҷониби Ҷамъияти дорои масъулияти маҳдуди «Ирода Инвест» корхонаи истеҳсоли равған бунёд мегардад. Сохтмони корхона бо сармояи ватанӣ идома дошта, иқтидори истеҳсолии он дар як шабонарӯз то 200 тонна равғани истеъмолиро ташкил медиҳад. Баъди ба истифода супоридани корхона фаъолият дар се баст ба роҳ монда шуда, сокинони маҳаллӣ бо ҷойи кор ва маоши хуб таъмин мегарданд.
Ҳамчунин дар ноҳия аз ҷониби Ҷамъияти дорои масъулияти маҳдуди «Коғази тоҷик» корхонаи коркарди коғаз ба истифода мешавад. Корхона бо беҳтарин дастгоҳу таҷҳизоти замонавӣ муҷаҳҳаз буда, баъди пурра ба истифода супоридани он 35–40 нафар бо ҷойи кор таъмин хоҳад шуд.
Ҳоло дар корхона санҷиши хатҳои технологӣ идома дошта, ашёи хом аз дохили мамлакат таъмин ва мавриди коркард қарор дода мешавад. Маҳсулоти корхона воридотивазкунанда буда, тибқи фармоиш бо шаклу андозаҳои гуногун ва услуби зебо истеҳсол мегардад.
Дар ноҳия инчунин коргоҳи коркарди пӯсти Ҷамъияти дорои масъулияти маҳдуди «Чарми қалъа» сохта мешавад, ки иқдоми муҳими саноатӣ ба ҳисоб меравад. Дар ин корхона пӯсти чорвои аз минтақаҳои гуногуни мамлакат ҷамъоваришуда коркард мегардад. Дар натиҷа чарми хушсифат истеҳсол карда мешавад. Баъди ба истифода супоридани корхона барои 50 нафар сокинон ҷойи кор муҳайё мегардад.
АКС: Хадамоти матбуоти Раиси виляти Суғд
Имрӯз рӯзҳои фарҳанги шаҳри Хоруғ, ноҳияҳои Ишкошим, Мурғоб ва Роштқалъа баргузор мегарданд
«ТАБЛИҒГАРОНИ ИСТИҚЛОЛ». Гурӯҳи тарғиботӣ-ташвиқотӣ фаъолияти занони ҳунарманд ва коргоҳҳои истеҳсолиро муаррифӣ менамояд
Сарвари давлат Эмомалӣ Раҳмон Варзишгоҳи миллиро бо 30 ҳазор ҷойи нишаст дар шаҳри Душанбе ифтитоҳ намуданд
АЗ ИСТИҚЛОЛ ТО ИСТИҚЛОЛОФАРӢ. Андешаҳои коршиноси масоили сиёсӣ дар ин маврид
РУШДИ САНОАТ ДАР 35 СОЛИ ИСТИҚЛОЛИ ТОҶИКИСТОН. Дар вилояти Хатлон беш аз 900 корхонаи саноатӣ фаъолият мекунад
Пешвои миллат Эмомалӣ Раҳмон: «Ман ба масъулиятшиносӣ, таҷриба ва заҳмати софдилонаи бунёдгарони «Роғун» эътимоди комил дорам»
Президенти Ҷумҳурии Тоҷикистон Эмомалӣ Раҳмон дар ноҳияи Файзобод аз намоиши маҳсулоти кишоварзӣ, ҳунарҳои мардумӣ ва таомҳои миллӣ боздид намуданд
Ба Сарвари давлат Эмомалӣ Раҳмон чор лоиҳаи муҳим, ки ба рушди инфрасохтори иҷтимоиву иқтисодии ноҳияи Файзобод равона шудаанд, муаррифӣ гардид
Пешвои миллат Эмомалӣ Раҳмон дар ноҳияи Файзобод якчанд иншооти соҳаи маорифро фосилавӣ ба истифода доданд
Сарвари давлат Эмомалӣ Раҳмон дар ноҳияи Файзобод бинои нави муассисаи таҳсилоти миёнаи умумии №11-ро мавриди истифода қарор доданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар вохӯрӣ бо бунёдгарони Неругоҳи барқи обии «Роғун»
Пешвои миллат Эмомалӣ Раҳмон дар шаҳри Роғун бо бунёдгарони Неругоҳи «Роғун» мулоқот намуданд
