35-СОЛАГИИ ИСТИҚЛОЛИ ДАВЛАТӢ. Дар шаҳри Гулистон корҳои созандагию ободкорӣ вусъат меёбанд
ДУШАНБЕ, 23.01.2026 /АМИТ «Ховар»/. Бахшида ба 35-солагии Истиқлоли давлатӣ ва Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ (2026) дар шаҳри Гулистон корҳои созандагию бунёдкорӣ идома доранд. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳри Гулистон иттилоъ доданд.
Дар Ҷамоати шаҳраки Адрасмони шаҳри Гулистон бо ҳашари дастҷамъонаи сокинон бинои бунгоҳи тиббӣ таъмиру навсозӣ мешавад. Бино қаблан якошёна буда, дорои се ҳуҷраи корӣ буд. Дар айни замон сокинон қабати дуюмро бо панҷ ҳуҷраи иловагӣ бунёд доранд. Ин амал ба баланд бардоштани сатҳи хизматрасонии тиббӣ ва расонидани кумаки аввалини саривақтӣ мусоидат менамояд.
Иттилоъ дода шуд, ки дар бунгоҳи тиббӣ як табиби тибби оилавӣ, се ҳамшираи шафқат ва як корманди хоҷагидор ба аҳолӣ хизмат мерасонанд. Бо бунёди ҳуҷраҳои нави корӣ фаъолияти ҳуҷраи дандонпизишкӣ, хатна, физиотерапия ва тибби атфол ба роҳ монда шуда, шумораи умумии ҳуҷраҳои корӣ ба 10 адад мерасад.
Ҳамчунин дар Ҷамоати шаҳраки Адрасмон сохтмони майдончаи варзишӣ барои футбол, волейбол ва баскетбол идома дорад. Майдонча бо ташаббуси соҳибкорон бунёд шуда, корҳои асосӣ дар он ба анҷом расидаанд. Бунёди чунин иншоот ба ҷалби ҷавонон ба тарзи ҳаёти солим ва дур нигоҳ доштани онҳо аз амалҳои номатлуб мусоидат менамояд.
Дар Ҷамъияти саҳомии кушодаи «Комбинати маъдантозакунии Адрасмон» лоиҳаи нави корхонаи саноатӣ мавриди баррасӣ қарор дорад. Зимни муаррифии лоиҳа гуфта шуд, ки таҷҳизоти муосир аз Ҷумҳурии Мардумии Чин ворид карда шудаанд. Дар марҳилаи кунунӣ барои сохтмони ин иншооти саноатӣ 369 нафар ба кор ҷалб гардидаанд ва корҳои асосии сохтмониро мутахассисони ватанию хориҷӣ анҷом медиҳанд.
Баъди ба истифода додани корхонаи муштарак зиёда аз 500 нафар бо ҷойи кори доимӣ ва маоши хуб таъмин хоҳанд шуд. Дар назар аст, ки «Комбинати металлургии Адрасмон» то ҷашни 35-солагии Истиқлоли давлатии Ҷумҳурии Тоҷикистон мавриди истифода қарор дода шавад.
Баъди ба фаъолият оғоз намудани «Комбинати металлургии Адрасмон» ашёи хоми саноатӣ дар ҳамин ҷо то марҳилаи ниҳоӣ коркард ва маҳсулот истеҳсол карда мешавад.
Коркарди ниҳоии металлҳои ранга имкон медиҳад, ки дар корхона маҳсулоти рақобатпазири ҷавобгӯ ба стандартҳои ҷаҳонӣ истеҳсол карда шавад.
АКС: Мақомоти иҷроияи ҳокимияти давлатии шаҳри Гулистон
Сарвари давлат Эмомалӣ Раҳмон Меҳмонхонаи Редиссон Коллекшн Душанберо (Radisson Collection Dushanbe) ифтитоҳ намуданд
Пешвои миллат Эмомалӣ Раҳмон дар шаҳри Душанбе корхонаи дару тирезаҳои алюминӣ ва пластикии ҶДММ «Тамдид»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон бо 6 лоиҳаи нави истеҳсолӣ, логистикӣ ва иҷтимоӣ дар шаҳри Душанбе шинос шуданд
Сарвари давлат Эмомалӣ Раҳмон дар шаҳри Душанбе корхонаи «Разес Фарма»-ро ифтитоҳ намуданд
Пешвои миллат Эмомалӣ Раҳмон бинои нави Маркази аутизми шаҳри Душанберо мавриди истифода қарор доданд
Маҷлиси Ҳукумати Ҷумҳурии Тоҷикистон баргузор гардид
Дар шаҳри Ваҳдат бунгоҳҳои тиббӣ ба истифода дода шуданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Дар Панҷакент беш аз 400 километр роҳҳои маҳаллӣ таъмир ва мумфарш карда шуданд
Сарвари давлат Эмомалӣ Раҳмон дар шаҳри Душанбе ба фаъолияти истеҳсолии ҶДММ «Шаҳдоб» оғоз бахшиданд
Президенти Ҷумҳурии Тоҷикистон Эмомалӣ Раҳмон дар шаҳри Душанбе корхонаи масолеҳи сохтмонии ҶДММ «Эко Блок»-ро мавриди баҳрабардорӣ қарор доданд
Пешвои миллат Эмомалӣ Раҳмон барои бунёди эстакадаҳои дусатҳа ва азнавсозии пули мошингузар дар хиёбони Саъдии Шерозии шаҳри Душанбе санги асос гузоштанд
