Агар бо ҳолати фавқулода рӯ ба рӯ гардем, бояд ба куҷо муроҷиат намоем?
ДУШАНБЕ, 23.01.2026 /АМИТ «Ховар»/. Тибқи иттилои Агентии обуҳавошиносии мамлакат, дар ин рӯзҳо дар ағбаҳои кӯҳӣ ва шоҳроҳҳои нақлиётгарди ҷумҳурӣ бориши бошиддати барф дар назар буда, тӯфони барф, тумани зич, яхбандӣ, бадшавии дурии биниш то 50 метр ва мушкилшавии вазъи ҳаракати нақлиёт пешгӯӣ мешавад. Агар ронадагон дар чунин рӯзҳо бо ҳолатҳои фавқулода дучор гарданд, бояд ба куҷо муроҷиат намоянд?
Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон иттилоъ медиҳад, ки дар ҳолатҳои фавқулода бо телефонҳои 112 ё 93 880 28 19 занг зананд. Инчунин дар шоҳроҳи Душанбе-Хуҷанд дар баробари намояндагони дигар вазорату идораҳо наҷотдиҳандагони Кумита низ фаъолият доранд.
Дар ин шоҳроҳ наҷотдиҳандагони Раёсати хадамоти кофтуковӣ ва наҷотдиҳии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон низ барои бартарафсозии тармафароӣ ва танбашавии мошинҳо кумак мерасонанд. Кумитаи ҳолатҳои фавқулода ва мудофиаи гражданӣ аз ронандагон хоҳиш менамояд, ки пеш аз сафар вазъи роҳҳоро омӯзанд. Инчунин пеш аз сафар мошинҳояшонро омода карда, ҳамеша бо худ асбобу таҷҳизоти зиддияхбандӣ дошта бошанд. Дар чунин рӯзҳо риояи фосилаи байни мошинҳо низ хеле муҳим аст.
Ба иттилои Агентии обуҳавошиносии мамлакат, дар ин рӯзҳо дар ағбаҳои кӯҳӣ ва шоҳроҳҳои нақлиётгарди ҷумҳурӣ бориши бошиддати барф дар назар буда, шамол бо суръати 15-20 ва дар ноҳияҳои ҷанубии вилояти Хатлон то 20-25 метр дар як сония мевазад.
Рӯзҳои 23-24 январ бориши барф қатъ гардида, ҳаво соф мешава. Дар ин рӯзҳо ҳарорати ҳаво дар қисми зиёди минтақаҳои водигию доманакӯҳ шабона то 8-13 дараҷа хунук, рӯзона аз 3 дараҷа хунук то 2 дараҷа гарм мешавад.
Дар ин рӯзҳо бо сабаби бориши барфи зиёд дар шоҳроҳи Душанбе-Чанок (километрҳои 48-74, 80-81), минтақаҳои тармафарои Майхура ва Зиддеҳи ноҳияи Варзоб, ноҳияҳои алоҳидаи тобеи ҷумҳурӣ ва ноҳияҳои ғарбии Вилояти Мухтори Кӯҳистони Бадахшон фаромадани тарма пешгӯӣ карда мешавад.
АКС: АМИТ «Ховар»
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
