Балаҷон Ёқубов бо 15 ҳазор сомонӣ мушкилии даҳсолаи чорводорону сокинони минтақаи кӯҳиро дар ноҳияи Лахш бартараф намуд
ЛАХШ, 13.01.2026 /АМИТ «Ховар»/. Соли 2025 сокини деҳаи Сари Осиёби Ҷамоати деҳоти Наврӯзи ноҳияи Лахш Балаҷон Ёқубов 15 ҳазор сомонӣ маблағи ҳаҷи умраашро дар сохтмони пули одаму чорвогузар ва сохтмони хонаи сарироҳӣ барои чорводорону сайёҳон сарф намуд. Ҳоло чорводорон зиёда аз ҳазор сар чорвои калони шохдор ва ду ҳазор моли майдаро беталаф аз рӯйи дарёи Пиёзӣ гузаронида, дар чарогоҳҳои сералаф мечаронанд.
Ёдовар мешавем, ки мавзеи Пиёзӣ дар минтақаҳои баландкӯҳи ҷамоатҳои шаҳраку деҳоти Ваҳдату Наврӯзи ноҳияи Лахш ҷойгир аст. Ҳамасола ҳазорон сар чорвои калони шохдор, бузу гӯсфанд ва асп аз чарогоҳҳои ин мавзеъ истифода мебаранд. Мутаассифона, ҳар сол чорвои калони шохдор аз дарёи Пиёзӣ бо роҳҳои мушкилгузар мегузашт ва чорводорон даҳҳо сар чорвои худро аз даст медоданд. Инчунин дар роҳи асосии ин мавзеъ барои сайёҳони кӯҳгард ва даҳмардаҳо хонаҳои сарироҳӣ мавҷуд набуданд, ки сокинону сайёҳон аз ин ҳисоб азоб мекашиданд.
Балаҷон Ёқубов бо 15 ҳазор сомонӣ маблағи худ мушкилии даҳсолаи човодорону сокинони кӯҳгардро бартараф карда, аз худ номи нек боқӣ гузошт. Ин амали неки ӯ барои ҳамдеҳагон ва дигар сокинони мамлакат намуна барои ибрат аст.
Тибқи иттилои масъулини бахши дин ва танзими ҷашну маросими ноҳияи Лахш, соли 2025 дар ноҳия 12 маросими чилу сол ба қайд гирифта шуд. Наздикони фавтидагон ин маросимро бе хӯрок гузаронида, бо маблағи он роҳҳои деҳаро сангфарш намуданд. Инчунин дар бунёди синфхонаҳои иловагӣ ва дигар корҳои ободонӣ саҳми арзанда гузоштанд.
Субҳониддини МАҲМУД,
АМИТ «Ховар»
АКС: АМИТ «Ховар»
Дар Душанбе рӯзи фарҳанги ноҳияҳои Ишкошим ва Мурғоб баргузор шуд
Шурои ҳамоҳангсозии рақамӣ дар соҳаи алоқа таъсис ёфт
Дар вилояти Хатлон қисми бештари кӯдакон аз омодагӣ ба мактаб берун мемонанд
РУШДИ САНОАТ ДАР 35 СОЛИ ИСТИҚЛОЛИ ТОҶИКИСТОН. Дар Бадахшон беш аз сад корхона ва коргоҳи хурди саноатӣ фаъолият менамояд
Имрӯз рӯзҳои фарҳанги шаҳри Хоруғ, ноҳияҳои Ишкошим, Мурғоб ва Роштқалъа баргузор мегарданд
«ТАБЛИҒГАРОНИ ИСТИҚЛОЛ». Гурӯҳи тарғиботӣ-ташвиқотӣ фаъолияти занони ҳунарманд ва коргоҳҳои истеҳсолиро муаррифӣ менамояд
Сарвари давлат Эмомалӣ Раҳмон Варзишгоҳи миллиро бо 30 ҳазор ҷойи нишаст дар шаҳри Душанбе ифтитоҳ намуданд
АЗ ИСТИҚЛОЛ ТО ИСТИҚЛОЛОФАРӢ. Андешаҳои коршиноси масоили сиёсӣ дар ин маврид
РУШДИ САНОАТ ДАР 35 СОЛИ ИСТИҚЛОЛИ ТОҶИКИСТОН. Дар вилояти Хатлон беш аз 900 корхонаи саноатӣ фаъолият мекунад
Пешвои миллат Эмомалӣ Раҳмон: «Ман ба масъулиятшиносӣ, таҷриба ва заҳмати софдилонаи бунёдгарони «Роғун» эътимоди комил дорам»
Президенти Ҷумҳурии Тоҷикистон Эмомалӣ Раҳмон дар ноҳияи Файзобод аз намоиши маҳсулоти кишоварзӣ, ҳунарҳои мардумӣ ва таомҳои миллӣ боздид намуданд
Ба Сарвари давлат Эмомалӣ Раҳмон чор лоиҳаи муҳим, ки ба рушди инфрасохтори иҷтимоиву иқтисодии ноҳияи Файзобод равона шудаанд, муаррифӣ гардид
