Дар вилояти Хатлон солҳои 2026-2030 «Солҳои фарҳанги китобхонӣ» эълон гардид
ДУШАНБЕ, 03.01.2026. /АМИТ «Ховар»/. Дар вилояти Хатлон солҳои 2026-2030 «Солҳои фарҳанги китобхонӣ» эълон гардиданд.
Тавре ба АМИТ «Ховар» аз хадамоти матбуоти Раиси вилояти Хатлон иттилоъ доданд, Раиси вилояти Хатлон зимни баргузории иҷлосияи 4-уми Маҷлиси вакилони халқи вилояти Хатлон, даъвати ҳафтум иброз намуд, ки «бо назардошти дастовардҳо ва натиҷаҳои назарраси татбиқи ташаббуси эълон намудани соли 2025 ҳамчун Соли фарҳанги китобхонӣ пешниҳод менамоям, ки ин иқдоми муҳим дар солҳои 2026–2030 ба таври пайгирона идома ёфта, ба рушди маънавию фарҳангии ҷомеа мусоидат намояд».
Ҳадаф аз ин иқдом зиёд намудани шавқу ҳаваси на фақат хонандагону донишҷӯён, омӯзгорону кормандони фарҳангу санъат, балки намояндагони ҳама зинаҳои таҳсил, донишҷӯёну магистрантҳо, омӯзгорон, шоирону нависандагон, косибон, кишоварзон, нафақахӯрон ва намояндагони касбу кори гуногун ба хониши китоб, мутолиаи асарҳои манзуму мансур ва эҷоди назму наср мебошад.
Ёдовар мешавем, ки дар доираи Соли фарҳанги китобхонӣ эълон гардидани соли 2025 аз ҳисоби буҷети маҳаллӣ ва саҳми соҳибкорон китобхонаҳои ҳудуди вилоят ва шаҳру ноҳияҳо ба маблағи 7,3 миллион сомонӣ таъмир ва навсозӣ карда шуданд.
АКС: Хадамоти матбуоти Раиси вилояти Хатлон
Имрӯз рӯзҳои фарҳанги шаҳри Хоруғ, ноҳияҳои Ишкошим, Мурғоб ва Роштқалъа баргузор мегарданд
БОЗЁФТИ НОДИР. Сиккаҳои замони Сомониён дар Хутали Қадим кашф гардиданд
Шоири халқии Тоҷикистон Ҳадиса Қурбонова аз олам даргузашт
«САМАРАИ ИСТИҚЛОЛ». Таҳти чунин унвон Иттифоқи журналистони Тоҷикистон озмун эълон менамояд
«ЯК МЕРОС, ДУ САРЗАМИН». Намоиши маҷозии муштараки Тоҷикистон ва Эрон баргузор мегардад
Дар Душанбе рӯзҳои фарҳанги ВМКБ, шаҳри Хоруғ, ноҳияҳои Ишкошим, Мурғоб, Роштқалъа ва Файзобод баргузор мегарданд
Раиси шаҳри Шероз ёдгории таърихию фарҳангии «Қалъаи Ҳисор»-ро тамошо намуд
Дар Душанбе Рӯзи фарҳанги ноҳияи Рӯшон баргузор гардид
Дар Душанбе 49 номгӯй адабиёти тозанашри кӯдакона рӯнамоӣ гардид
Дар пойтахти Тоҷикистон Рӯзи фарҳанги ноҳияи Ванҷ доир шуд
Рӯзи фарҳанги ноҳияи Шуғнон бо шукуҳу шаҳомати хос баргузор шуд
Оид ба бостоншиносӣ ва нақши он дар ҳифзи мероси таърихию фарҳангӣ ҳамоиш доир шуд
