Дар вохӯрӣ бо аҳли ҷамоати шаҳри Ҳисор масъалаи пешгирии ноболиғон аз ҷинояткорӣ баррасӣ карда шуд
ҲИСОР, 02.01.2026 /АМИТ «Ховар»/. Дар Мақомоти иҷроияи ҳокимияти давлатии шаҳри Ҳисор мулоқоту суҳбати намояндагони Вазорати корҳои дохилии Ҷумҳурии Тоҷикистон ва прокуратураи шаҳри Ҳисор бо фаъолон ва аҳли ҷамоати шаҳр оид ба масъалаи пешгирии ноболиғон аз ҷинояткорӣ баргузор гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд котиби матбуоти Раиси шаҳри Ҳисор Ҳидоятулло Холзода иттилоъ дод.
Иброз гардид, ки масъалаи пешгирии ҷинояткорӣ дар байни ноболиғон аз самтҳои афзалиятноки сиёсати иҷтимоии давлат ба шумор меравад. Имрӯз, дар замоне, ки ба фазои иттилоотии ҷаҳон хатарҳои зиёд таҳдид мекунанд, ин масъала аз ҳар кадоми мо таваҷҷуҳи бештарро тақозо дорад.
Тибқи таҳлили ҷомеашиносон, давоми солҳои охир ҳолатҳои содиршавии ҷиноят дар байни ноболиғон афзоиш меёбанд. Мутахассисон яке аз омилҳои зиёдшавии ин зуҳуротро дар паст будани сатҳи донишҳои ахлоқию ҳуқуқии наврасон медонанд.
Зимни вохӯрӣ намояндагони Вазорати корҳои дохилӣ ва прокуратураи шаҳри Ҳисор суханронӣ карда, ҳолати воқеии сатҳи ҷинояткорӣ дар байни ноболиғонро дар шаҳр мавриди таҳлилу баррасӣ қарор доданд. Ҳамзамон барои тақвият додани корҳои пешгирии ҷинояткорӣ дар байни ноболиғон ва ҷавонон таъсис додани гурӯҳи корӣ бо иштироки намояндагони мақомоти ҳифзи ҳуқуқ, шуъбаҳои рушди иҷтимоӣ ва робита бо ҷомеа, кор бо занон ва оила, бахши кор бо ҷавонон, маорифу фарҳанг, ходимони дин ба манфиати кор маънидод гардид.
АКС: Мақомоти иҷроияи ҳокимияти давлатии шаҳри Ҳисор
ДАЪВАТИ ТИРАМОҲӢ. Нақшаи даъват ба хизмати ҳарбӣ дар ноҳияи Зафаробод пеш аз муҳлат иҷро гардид
Бо мақсади пешгирии садамаҳои нақлиётӣ бо иштироки мошинҳои боркаш Гурӯҳи кории байниидоравӣ таъсис дода шуд
ИМРӮЗ-РӮЗИ КОРМАНДОНИ МАҚОМОТИ СУДӢ. Дар Суди Олӣ Конфронси Созмони судяҳои Ҷумҳурии Тоҷикистон баргузор гардид
Оид ба такмили қонунгузорӣ дар самти муқовимат ба савдои одамон конференсия доир шуд
Дар шаҳри Ваҳдат ва ноҳияи Файзобод нақшаи даъвати ҷавонон ба хизмати ҳарбӣ пурра иҷро гардид
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
