Доир ба нақши Паёми Президенти Тоҷикистон дар рушди низоми қонунгузорӣ ҳамоиши илмӣ баргузор шуд
ДУШАНБЕ, 08.01.2026 /АМИТ «Ховар»/. Дар Академияи идоракунии давлатии назди Президенти Ҷумҳурии Тоҷикистон таҳти унвони «Паёми Президенти Ҷумҳурии Тоҷикистон – заминаи рушди низоми қонунгузорӣ ва ҳуқуқии ҷумҳурӣ» ҳамоиши илмӣ-назариявӣ баргузор гардид, хабар доданд ба АМИТ «Ховар» аз ин академия.
Дар ҳамоиш ҷойгоҳ ва аҳамияти Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон дар ташаккул ва такмили сиёсати ҳуқуқӣ, рушди низоми қонунгузорӣ ва таҳкими пояҳои давлатдории муосири миллӣ муҳим арзёбӣ гардид.
Ноиби ректори Академияи идоракунии давлатӣ Карамалишо Карамалишоев таъкид намуд, ки Паёми Президенти Тоҷикистон ба Маҷлиси Олӣ ҳамчун санади муҳими барномавӣ, сиёсӣ ва ҳуқуқӣ дар рушди низоми қонунгузорӣ ва таҳкими асосҳои давлатдории ҳуқуқбунёд нақши калидӣ дорад. Сарвари давлат муҳтарам Эмомалӣ Раҳмон аз ҷумлаи шахсиятҳои барҷастаи таърихии муосир буда, дар баробари ташаккул ва таҳаввули давлатдории навини тоҷикон барои эҳё, ҳифз ва рушди арзишҳои волои фарҳанги ҳуқуқии миллӣ хизматҳои шоиста анҷом додаанд. Марҳилаи ибтидоии таҳияи аксари санадҳои меъёрии ҳуқуқӣ маҳз аз муҳтавои паёмҳои Президенти Тоҷикистон ба Маҷлиси Олӣ маншаъ мегирад.
Иброз гардид, ки Президенти Тоҷикистон дар Паём ба Маҷлиси Олӣ ба Ҳукумати мамлакат ва мақомоти марбута супориш доданд, ки лоиҳаҳои Қонун дар бораи сиёсати аграрӣ ва Қонун дар бораи бостоншиносӣ таҳия ва барои баррасӣ пешниҳод карда шаванд. Ин далели равшани нақши ин санади муҳим дар рушди қонунгузории миллӣ мебошад.
Дар ҳамоиш маърузаҳои илмӣ оид ба масъалаҳои рушди сиёсати ҳуқуқӣ ва такмили низоми қонунгузорӣ пешниҳод гардиданд.
Иштирокчиён зимни музокирот вобаста ба масъалаҳои матраҳгардида андеша ва пешниҳодҳо баён намуда, ҳамоиши илмӣ-назариявиро судманд, саривақтӣ ва дорои аҳамияти баланди илмӣ-назариявӣ арзёбӣ карданд.
АКС: Академияи идоракунии давлатии назди Президенти Ҷумҳурии Тоҷикистон
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
Густариши ҳамкории Тоҷикистон ва Узбекистон дар соҳаи маориф ва илм баррасӣ гардид
Ректорони муассисаҳои таҳсилотии Узбекистон бо зарфияти таълимӣ ва илмии Донишгоҳи байналмилалии сайёҳӣ ва соҳибкории Тоҷикистон шинос шуданд
