Дар Душанбе нахустин мағоза бо бренди «Тоҷикзамин» ифтитоҳ гардид
ДУШАНБЕ, 27.01.2026 /АМИТ «Ховар»/. Дар шаҳри Душанбе таҳти унвони «Тоҷикзамин» нахустин мағозаи брендӣ ифтитоҳ гардид. Дар ин хусус АМИТ «Ховар» бо истинод ба Вазорати рушди иқтисод ва савдои Ҷумҳурии Тоҷикистон иттилоъ медиҳад.
Мағозаи брендӣ дар доираи ташаббуси «Як деҳа — як маҳсулот» таъсис ёфтааст. Дар он маҳсулоти нави аслии бренди «Тоҷикзамин», инчунин маҷмуи васеи маҳсулоти босифати истеҳсолкунандагони хурди маҳаллӣ аз шаҳру ноҳияҳои мамлакат ба фурӯш гузошта шудааст.
Ба ин маҳсулот ғизои органикӣ, маҳсулоти занбӯриасалпарварӣ, ҳунарҳои мардумӣ ва малҳаму лавозимоти ороишии табиӣ, ки таҷассумгари захираҳои маҳаллӣ ва донишу анъанаҳои миллии мамлакат мебошанд, дохил мешаванд.
Вазири рушди иқтисод ва садои Ҷумҳурии Тоҷикистон Абдураҳмон Абдураҳмонзода иброз намуд, ки ташаббуси «Як деҳа — як маҳсулот» ба муайян ва истифода намудани иқтидору имконияти иқтисодии шаҳрҳо, ноҳияҳо ва деҳот, рушди истеҳсоли ватанӣ дар заминаи ашёи хоми маҳаллӣ ва анъанаҳои миллӣ, мутобиқсозии маҳсулот ба стандартҳои байналмилалии сифат ва таҳкими иқтидори содиротӣ равона гардидааст.
Ташаббуси «Як деҳа — як маҳсулот» дар ҷумҳурӣ аз оғоз то имрӯз ба натиҷаҳои назаррас ноил гардидааст. Таъсиси Кумитаи муштараки роҳбарикунанда, таҳияи харитаи роҳ бо муайян намудани 100 номгӯй маҳсулоти дорои афзалият ва ба роҳ мондани фаъолияти маркази истеҳсолӣ дар шаҳри Бохтар аз ин ҷумла мебошанд. Инчунин мунтазам баргузор намудани чорабиниҳои миллӣ ва ҳамкории фаъол бо зиёда аз 20 корхонаи соҳибкории хурд дар 11 шаҳр бо фарогирии беш аз 100 нафар ба шуғл ва истеҳсоли зиёда аз 100 намуди маҳсулот, аз ҷумла таҳия ва истеҳсоли 22 номгӯй навъи маҳсулот бо дастгирии коршиносони байналмилалӣ ба даст омадааст.
Ёдовар мешавем, ки ташабуси «Як деҳа – як маҳсулот» (OVOP) дар давлатҳои гуногун ба муваффақият ноил гардидааст. Дар айни замон ин ташаббус ба Осиёи Марказӣ ворид гашта, дар марҳилаи рушд қарор дорад. Дар Тоҷикистон он метавонад ба таъсиси ҷойи кор, рушди соҳибкорию ҳунармандӣ, бахусус дар деҳоти дурдаст мусоидат намояд.
АКС: Вазорати рушди иқтисод ва савдои Ҷумҳурии Тоҷикистон
Дар шаҳри Москва ҷаласаи 109-уми Шурои иқтисодии ИДМ баргузор гардид
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
«GEOSCIENCE & EXPLORATION CENTRAL ASIA». Ҳайати Тоҷикистон дар Форуми байналмилалии геологӣ иштирок намуд
Сармоягузорони Чин бо фаъолияти корхонаҳои истеҳсолии МОИ «Данғара» шинос шуданд
Вазири энергетика ва захираҳои оби Тоҷикистон дар Форуми байналмилалии электроэнергетикии Қазон – «ЭНЕРГОПРОМ» иштирок намуд
«Shohin Airlines» ҳавопаймои нави L410 NG харидорӣ менамояд
Вазири энергетикаи Тоҷикистон бо истеҳсоли таҷҳизоти турбинаҳои газии гурӯҳи ширкатҳои «АМКОР»-и Тотористон шинос шуд
Доир ба мушкилоти тағйирёбии иқлим, сабабҳо, пайомад ва усулҳои мутобиқшавӣ ба он китоб ба нашр расид
Дурнамои рушди ҳамкории гумрукӣ байни Тоҷикистон ва Корея баррасӣ гардид
