Масъалаи ҷалби сармояи Индонезия ба иқтисоди Тоҷикистон баррасӣ шуд

ДУШАНБЕ, 26.01.2026 /АМИТ «Ховар»/. Тоҷикистон тасмим гирифтааст, ки сармоягузорони индонезиро ба бахшҳои афзалиятноки иқтисоди Тоҷикистон ҷалб намояд, иттилоъ медиҳад АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон.

Масъалаи мазкур дар мулоқоти Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода бо Директори Шурои директорони ширкати индонезии «Bakrie Group» Налин Ратҳод дар Душанбе баррасӣ гардид.

Ҷонибҳо дурнамои рушди ҳамкории сармоягузориро баррасӣ намуда, оид ба ҷалби сармояи Индонезия ба саноати кӯҳӣ, металлургия, энергетика ва сохтмони Тоҷикистон ибрози назар намуданд.

Дар анҷом ҷониби индонезӣ барои омӯзиши имконоти сармоягузорӣ дар Тоҷикистон, татбиқи лоиҳаҳои муштарак ва густариши ҳамкории дуҷониба изҳори ҳавасмандӣ намуд.

АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон