Агентии «Тоҷикстандарт»: «Аз марҳилаи муайяни тамғаи «Нутрилон» ва «Малютка» истифода набаред!»
ДУШАНБЕ, 14.02.2026 /АМИТ «Ховар»/. Агентии «Тоҷикстандарт» ба таваҷҷуҳи шаҳрвандон ва сокинони мамлакат мерасонад, ки дар асоси мактуби хаттии ширкати «DANONE» истеҳсолкунандаи маҳсулот зери тамғаи «Нутрилон» ва «Малютка», инчунин муроҷитаи расмии ширкати воридкунанда Ҷамъияти дорои масъулияташ маҳдуди «Рушон» якчанд маҳсулоти марҳилаи муайяни тамғаи «Нутрилон» ва «Малютка» аз муомилот бозхонд ва аз нуқтаҳои савдо гирифта мешавад. Дар ин хусус АМИТ «Ховар» бо истинод ба Агентии «Тоҷикстандарт» хабар медиҳад.
Вобаста ба ин Агентӣ ба таваҷҷуҳи шаҳрвандон ва сокинони мамлакат мерасонад, ки аз марҳилаи маҳсулоти ширии кӯдаконаи ширкати «DANONE» бо тамғаи «Нутрилон» ва «Малютка», ки дар рӯйхати зер нишон дода шудааст: NUTRILON PREMIUM 1400 гр партияҳои 20261119, 20260808; NUTRILON PREMIUM 2400 гр партияҳои 20260812, 20261014, 20261125, 20261222; NUTRILON PREMIUM BIG 1600 гр партияҳои 20260807, 20260912, 20261112, 20261210; NUTRILON PREMIUM BIG 2600 гр партияҳои 20260808, 20261009, 20261112, 20261210, 20261230; MALYUTKA 1 GOLD 600 гр партияҳои 20260808, 20261111, 20261210, 20261230; MALYUTKA 1 GOLD 300 гр марҳилаҳои 20260806, 20261014, 20261203, 20270107 истифода набаранд ва онҳое, ки аллакай харидорӣ кардаанд, бозпас гардонанд.
Тибқи иттилои ширкати истеҳсолкунандаи «DANONE», дар таркиби марҳилаи муайяни маҳсулоти мазкур вуҷуд доштани токсини сереулид эҳтимол дорад.
Ёдовар бояд шуд, ки бинобар тавсияҳои таҳаввулёбандаи Идораи бехатарии озуқавории Аврупо ва ҷиҳати риояи пурраи принсипҳои эҳтиётӣ ширкати истеҳсолкунанда тасмим гирифт, ки бозхонди ихтиёрӣ ва пешгирикунандаи маҳсулотро дар марҳилаи мазкур ба роҳ монад.
Дар робита ба ин, кормандони Агентии «Тоҷикстандарт» бо намояндагони ширкати Ҷамъияти дорои масъулияти маҳдуди «Рушон», ки воридкунандаи маҳсулоти «Нутрилон» ва «Малютка» ба мамлакат мебошад, кор бурда, миқдори зиёди маҳсулоти мазкурро аз муомилот гирифтанд.
Қатъи истифода ва фурӯши маҳсулоти ширкати «DANONE» бо тамғаи «Нутрилон» ва «Малютка» танҳо ба партияи маҳсулоти зикршуда марбут мебошад.
Шаҳрвандон метавонанд аз дигар партияи истеҳсолшудаи ин маҳсулот харидорӣ ва истифода намоянд.
Тасмими ширкат ба хотири ҳимояи беҳдошти мардум буда, аз шаҳрвандон ва истеъмолкунандагон хоҳиш менамояд, ки барои бозпасгардонидани марҳилаи ин маҳсулот ба рақамҳои зерин: — шаҳри Душанбе ва ноҳияҳои тобеи марказ: +992 934444899, +992 939998153, вилояти Суғд: +992 934444899, вилояти Хатлон: +992 934444899, +992 9388004954 тамос гиранд.
АКС: Агентии «Тоҷикстандарт»
Душанбе мизбони Фестивали зеҳни сунъӣ ва технологияҳои рақамӣ — «AI ALLEY» мегардад
Аз шаҳри Турсунзода ба шаҳру ноҳияҳои мамлакат беш аз 70 ҳазор тонна маҳсулот содирот гардид
Ниҳодҳои олии аудити Тоҷикистон ва Чин ҳамкориро тақвият мебахшанд
Дар даҳ соли охир ҳаҷми маҷмуи маҳсулоти дохилӣ беш аз 3 баробар зиёд гардидааст
Мавсими ҷамъоварии ҳосили пахта дар ноҳияи Зафаробод оғоз гардид
Бонки Осиёии Рушд механизми маблағгузории таҷдиди марзҳо ва мусоидат ба тиҷорат дар минтақаи ҲИМОМ-ро тасдиқ намуд
Рушди молияи давлатӣ: аз ташаккули низоми мустақили молиявӣ то идоракунии рақамии буҷет
Дар доираи татбиқи лоиҳаи озмоишӣ платформаи рақамӣ таҳия мегардад
Тоҷикистон ва Хазинаи байналмилалии асъор ҳамкориро дар соҳаи саноат тақвият медиҳанд
Сарвазири Тоҷикистон бо Президенти Фонди ОПЕК оид ба рушди байналмилалӣ мулоқот намуд
35 СОЛИ ИСТИҚЛОЛ ВА МАРҲИЛАИ НАВИ РУШД. Барои ҷомеаи муосири мо ин се даҳсола асри таҳаввулоти ҷиддии фикрӣ, технологӣ ва менеҷмент ба шумор меравад
35 СОЛИ СОҲИБИСТИҚЛОЛИИ ТОҶИКИСТОН. Дар Бадахшон иқтидори энергетикӣ ба 70 МВт расонида шуд
