Ҷаласаи гурӯҳи кории Шурои роҳбарони Палатаи савдо ва саноати Иттиҳоди Давлатҳои Мустақил доир гардид
ДУШАНБЕ, 27.02.2026 /АМИТ «Ховар»/. 26 феврал ҷаласаи навбатии гурӯҳи кории Шурои роҳбарони палатаҳои савдо ва саноати кишварҳои аъзои Иттиҳоди Давлатҳои Мустақил ба таври маҷозӣ баргузор гардид.
Тавре аз Палатаи савдо ва саноати Тоҷикистон ба АМИТ «Ховар» хабар доданд, дар ҷаласа натиҷаҳои фаъолияти шуро дар соли 2025, ки раёсати онро Тоҷикистон ба уҳда дошт, мавриди баррасӣ қарор гирифтанд.
Инчунин лоиҳаи нақшаи кори асосии шуро барои соли 2026 муҳокима гардида, барои татбиқи чорабиниҳо, рушди ҳамкории байнипалатагӣ ва тақвияти мутақобили ҷомеаҳои тиҷоратии кишварҳои аъзои Иттиҳоди Давлатҳои Мустақил таклифҳо пешниҳод карда шуданд.
Дар ҷаласа масъалаҳои марбут ба рушди ҳамкории иқтисодӣ байни давлатҳои аъзои Иттиҳоди Давлатҳои Мустақил, дастгирии соҳибкории хурду миёна, татбиқи ташаббусҳои муштарак барои тақвияти тиҷорат ва ҷалби сармоягузорӣ баррасӣ гардиданд.
Ҳадафҳои асосии шуро рушди ҳамкорӣ байни палатаҳо, баланд бардоштани нақши палатаҳои савдо ва саноати кишварҳои аъзои Иттиҳоди Давлатҳои Мустақил дар пешбурди рушди муштараки инноватсионӣ, фаъолгардонии фаъолияти намоишгоҳҳо, ташкили фазои ягонаи иттилоотӣ, густариши ҳамкории байниминтақавӣ ва фаромарзӣ, рушди механизмҳои шарикии давлат ва бахши хусусӣ, инчунин омода намудани кадрҳои соҳаи тиҷорат мебошанд.
Иттилоъ дода шуд, ки соли 2026 раёсати шуро ба зиммаи Палатаи савдо ва саноати Ҷумҳурии Беларус вогузор гардид.
АКС: Палатаи савдо ва саноати Ҷумҳурии Тоҷикистон
Дар Душанбе ҷараёни корҳои пешакии лоиҳаи сохтмони метро дар пойтахт муҳокима гардид
Палатаи савдо ва саноати Тоҷикистон ҳамкориро бо Чин ва кишварҳои Осиёи Марказӣ густариш медиҳад
Дар Тоҷикистон Маркази ҳамоҳангсозии амнияти киберӣ барои бахши энергетика ва Низоми миллии иттилоотии бахши энергетикаи Тоҷикистон таъсис дода мешавад
Дурнамои ҳамкорӣ байни Тоҷикистон ва Қатар дар соҳаи саноат баррасӣ гардид
Соли 2027 Тоҷикистон дар Намоишгоҳи байналмилалии боғдории Ҷопон иштирок мекунад
«Барномаи рушди соҳаҳои кирмакпарварӣ ва коркарди пилла барои солҳои 2026–2030» панҷ самтро фаро мегирад
Байни Вазорати молияи Тоҷикистон ва Вазорати иқтисод ва молияи Узбекистон Нақшаи ҳамкорӣ барои солҳои 2026-2027 ба имзо расид
Раиси Бонки миллӣ дар Форуми байналмилалии «Monetary Policy Dialogue – 2026» иштирок намуд
Татбиқи лоиҳаҳои Барномаи рушди СММ ба рушди хизматрасониҳои иҷтимоӣ ва иқтисодӣ мусоидат мекунад
Дар Тоҷикистон беш аз 46 ҳазор гектар ҷуворимакка барои дон кишт карда шудааст
Шурои Гурӯҳи Бонки ҷаҳонӣ марҳилаи дуюми маблағгузории грантии НБО «Роғун»-ро тасдиқ намуд
Ҳайати Тоҷикистон дар ҷаласаи машваратии электорати Гурӯҳи кишварии узви Бонки ҷаҳонӣ ва Хазинаи байналмилалии асъор иштирок намуд
