Дар Деҳлӣ ҳамкории Тоҷикистон ва Ҳиндустон дар соҳаи саноат ва технологияҳои муосир баррасӣ шуд
ДУШАНБЕ, 24.02.2026 /АМИТ «Ховар»/. Тоҷикистон ҳамкориро бо Ҳиндустон дар соҳаи саноат ва технологияҳои муосир тақвият медиҳад. Дар ин замина дар Деҳлӣ мулоқоти Вазири саноат ва технологияҳои нави Ҷумҳурии Тоҷикистон Шералӣ Кабир бо вазири давлатии Ҳиндустон оид ба электроника ва технологияҳои иттилоотӣ Ҷитин Прасада доир гардид, ки дар он масоили марбут ба ҳамкорӣ дар соҳаи технологияҳои иттилоотӣ, зеҳни сунъӣ, таъсиси марказҳои датаҳо ва технологияҳои рақамӣ баррасӣ карда шуд.
Шералӣ Кабир инчунин бо Вазири савдо ва саноати Ҳиндустон Пиюш Гоял мулоқот намуд.
Зимни он масъалаҳои густариши ҳамкории дуҷониба дар соҳаҳои саноат, тиҷорат ва ҷалби сармоягузорӣ мавриди баррасӣ қарор гирифтанд.
Ҷонибҳо ба рушди ҳамкорӣ дар бахшҳои коркарди ашёи хом, саноати сабук ва хӯрокворӣ, таъсиси корхонаҳои муштарак, инчунин тавсеаи робитаҳо байни доираҳои соҳибкорӣ таваҷҷуҳи махсус зоҳир карда, қарор доданд, ки ҷаласаи навбатии Комиссияи байниҳукуматии Тоҷикистон ва Ҳиндустон оид ба ҳамкории тиҷоратӣ, иқтисодӣ, илмӣ ва техникиро баргузор намоянд.
Инчунин доир ба истифодаи минтақаҳои озоди иқтисодӣ ва саноатии Тоҷикистон ва таҷрибаи пешрафтаи Ҳиндустон дар соҳаи саноатикунонӣ ва инноватсия табодули назар карда шуд.
АКС: Вазорати саноат ва технологияҳои нави Ҷумҳурии Тоҷикистон
Намояндагони Тоҷикистон дар Конфронси глобалии Созмони озуқаворӣ ва кишоварзӣ дар Италия иштирок намуданд
Рушди фарҳанги экологӣ дар ҷаласаи Шурои экологии Иттиҳоди Давлатҳои Мустақил баррасӣ карда шуд
Намояндагони Бонки Осиёии Рушд бо фаъолияти гузаргоҳи «Фотеҳобод — Ойбек» шинос шуданд
Пешвои миллат Эмомалӣ Раҳмон дар шаҳри Истиқлол марҳилаи дуюми корхонаи металлургии ҶДММ «Ширкати кӯҳии Тоҷикистону Чин»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Гулистон ба фаъолияти истеҳсолии корхонаи азими саноати маъдантозакунии Адрасмон оғоз бахшиданд
Дар Душанбе Намоишгоҳи байналмилалии «Нақлиёт ва логистикаи Созмони ҳамкории Шанхай» доир мешавад
ҒИЗОИ СОЛИМ. Хушкмеваҳои Тоҷикистон манбаи бойи витаминҳо, минералҳо, антиоксидантҳо ва нахҳои хӯрокворӣ мебошанд
ОМОДАГӢ БА ЗИМИСТОНГУЗАРОНӢ. Дар Тоҷикистон захиранамоии хӯроки чорво идома дорад
Кишоварзони Тоҷикистон беш аз 614 ҳазор тонна гандум ҷамъоварӣ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров ба фаъолияти коргоҳи нави орди ҶДММ «Ирода Инвест» оғоз бахшиданд
Дар ноҳияи Вахш ҷамъоварии ангур идома дорад
Сарвари давлат Эмомалӣ Раҳмон дар ноҳияи Бобоҷон Ғафуров ба фаъолияти коргоҳи истеҳсолии равғани ҶДММ «Анқо-инвест» оғоз бахшиданд
