Дар Тоҷикистон 33-солагии таъсиси Қувваҳои Мусаллаҳи мамлакат бошукуҳ таҷлил мегардад
ДУШАНБЕ, 19.02.2026 /АМИТ «Ховар»/. Бо мақсади дар сатҳи баланд таҷлил намудани 33-солагии таъсиси Қувваҳои Мусаллаҳи Ҷумҳурии Тоҷикистон дар мамлакат баргузории якчанд чорабинии сиёсӣ, фарҳангӣ ва варзишӣ ба нақша гирифта шудааст.
Тавре аз Вазорати мудофиаи Ҷумҳурии Тоҷикистон ба АМИТ «Ховар» хабар доданд, дар Вазорати мудофиа маҷлиси тантанавӣ баргузор мегардад. Ҳамчунин дар Театри давлатии академии опера ва балети ба номи Садриддин Айнӣ паёми табрикотии Президенти Ҷумҳурии Тоҷикистон ба ҳозирин расонида шуда, консерти идона доир мегардад.
Бахшида ба ин рӯз дар назди муҷассамаи «Шоҳ Исмоили Сомонӣ» дар шаҳри Душанбе ва Оромгоҳи сарбози номаълум дар маҳаллаи Қаротегини ноҳияи Шоҳмансур гулчанбар гузошта мешавад.
Дар робита ба ин чорабиниҳо дар боғҳои фарҳангӣ – фароғатии «Ирам», «Фирдавсӣ», «Куруши Кабир», «Мироненко»-и шаҳри Душанбе ва марказҳои маъмурии вилоятҳо бо иштироки афсарону сарбозони сохторҳои ҳарбӣ барномаҳои гуногун ташкил гардиданд.
Ба мақсади шиносоӣ бо ҳаёт ва фаъолияти ҳаррӯзаи афсарону сарбозон дар қисмҳои ҳарбӣ барои ҷавонони синни даъватӣ «Рӯзи дарҳои кушод» баргузор мешавад. Ҳамзамон баргузории чорабиниҳои ҳарбӣ-ватандӯстӣ ва мусобиқаҳои варзишӣ дар байни хизматчиёни ҳарбии Вазорати мудофиа, сохторҳои қудратӣ ва мақомоти ҳифзи ҳуқуқ ба нақша гирифта шудааст.
Бахшида ба 33-солагии таъсиси Қувваҳои Мусаллаҳи Ҷумҳурии Тоҷикистон бо иштироки сарбозону афсарони қисмҳои низомӣ озмуни «Суруди сарбоз» доир мегардад. Озмун ба баланд бардоштани руҳияи ватандӯстӣ ва арҷгузорӣ ба хизмати ҳарбӣ мусоидат мекунад.
Бояд гуфт, ки баргузории ин чорабиниҳо дар таҳкими омодагӣ, маърифат ва робитаҳои иҷтимоии хизматчиёни ҳарбӣ, инчунин тарғиби идеяҳои ватандӯстӣ ва ҳифзи марзу буми мамлакат нақши муҳим дорад.
АКС: АМИТ «Ховар»
Қувваҳои Мусаллаҳи Ҷумҳурии Тоҷикистон кафили суботу амният ва таъминкунандаи рӯзгори босаодати мост
АРТИШИ МИЛЛӢ-ОМИЛИ УСТУВОРИИ ДАВЛАТ. Эҳдо ба Рӯзи таъсиси Қувваҳои Мусаллаҳи Ҷумҳурии Тоҷикистон
33-СОЛАГИИ ҚУВВАҲОИ МУСАЛЛАҲИ ТОҶИКИСТОН. Ин неруи боэътимод имрӯз амнияти давлат ва оромии ҷомеаро ҳифз менамояд
Барои дарёфти «Ҷоми Вазири мудофиа» мусобиқаи тирпаронӣ баргузор шуд
Вазорати мудофиаи Тоҷикистон: «Ҳангоми таҳияи маводи таблиғотии низомӣ бо истифода аз «зеҳни сунъӣ» риояи оиннома ҳатмӣ аст»
Сабабҳои асосии рух додани садамаҳои нақлиётӣ кадомҳоянд? Ва ё чаро то ҳол ин вазъ нигаронкунанда боқӣ мемонад?
НИШАСТИ МАТБУОТӢ. Прокурори генералии Тоҷикистон аз паҳншавии моддаҳои психотропӣ, хусусан ҳабҳои синтетикӣ дар байни ҷавонон изҳори нигаронӣ намуд
Дар Конибодом оид ба даъвати баҳории ҷавонписарон ба сафи Қувваҳои Мусаллаҳи Тоҷикистон ҷаласаи ситоди шаҳрӣ доир шуд
Ҷаласаи сайёри Комиссияи байниидоравӣ оид ба муқовимат ба савдои одамон доир шуд
НИШАСТИ МАТБУОТӢ. Аз ҷониби мақомоти корҳои дохилӣ 111 гурӯҳи муташаккили ҷиноятӣ дастгир карда шуд
Раёсати Вазорати корҳои дохилӣ дар вилояти Хатлон: «Бар зидди паҳншавии воситаҳои нашъадор якҷоя мубориза барем!»
