ДАРАХТ БИНШОН! Дар минтақаи Лоҳури ноҳияи Рӯдакӣ 700 бех ниҳоли гуногун шинонида шуд
РӮДАКӢ, 23.02.2026 /АМИТ «Ховар»/. Бо мақсади татбиқи сиёсати созандаи Ҳукумати Ҷумҳурии Тоҷикистон ва амалӣ гардонидани «Барномаи давлатии кабудизоркунии Ҷумҳурии Тоҷикистон то соли 2040» дар Ҷамоати деҳоти Лоҳури ноҳияи Рӯдакӣ бо иштироки роҳбарият ва ҳайати шахсии шуъбаи Вазорати корҳои дохилии Тоҷикистон дар ин ноҳия зиёда аз 700 бех ниҳолҳои сояафкану мевадиҳанда шинонида шуданд. Дар ин хусус ба хабарнигори минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии ноҳияи Рӯдакӣ иттилоъ доданд.
Зимни ҳашари муҳими экологӣ иброз гардид, ки ҳифзи муҳити зист, баланд бардоштани фарҳанги экологӣ ва сабзгардонии атроф вазифаи ҳар шаҳрванди ватандӯст мебошад. Зебо гардонидани муҳити зист дар беҳдошти вазъи экологии минтақа, пешгирии эрозияи хок ва фароҳам овардани фазои солиму мусоид барои сокинон нақши муҳим дорад.
Иброз гардид, ки чунин иқдом бояд пайваста ва бо ҷалби ҳарчи бештари ҷавонон доир гардад, зеро маҳз насли ҷавон метавонад дар оянда ҳифзкунандаи воқеии табиат ва арзишҳои миллӣ бошад.
Дар доираи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ эълон гардидани соли 2026, инчунин ба хотири сазовор истиқбол гирифтани ҷашни 35-солагии Истиқлолияти давлатии Ҷумҳурии Тоҷикистон дар ноҳияи Рӯдакӣ имсол зиёда аз 22 ҳазор бех ниҳоли дарахтони ороишию сояафкан ва мевадиҳанда шинонида мешавад.
АКС: Мақомоти иҷроияи ҳокимияти давлатии ноҳияи Рӯдакӣ
«КИШВАРИ САБЗ». Кормандони Хадамоти гумрук дар ноҳияи Варзоб беш аз 17 ҳазор бех ниҳол шинониданд
Дар заминҳои бекорхобидаи теппаҳои деҳаи Шодоби ноҳияи Варзоб боғи намунавӣ бунёд карда шуд
«ШАҲРИ САБЗ». Дар ҳудуди Боғи «Ғалаба» ва ҷангалҳои пойтахт 3,6 ҳазор бех ниҳоли дарахти санавбар шинонида шуд
Дар назди бинои Академияи миллии илмҳои Тоҷикистон дарахтони навъи магнолия шинонида шуданд
«ЯК ҶАВОН – ЯК ДАРАХТ». Дар Душанбе иқдоми ҷумҳуриявии ниҳолшинонӣ баргузор гардид
Соли 2026 дар шаҳри Панҷакент дар ҳазор гектар боғ бунёд карда мешавад
Соли 2026 дар шаҳри Ваҳдат беш аз 22 ҳазор бех ниҳоли дарахтони гуногун шинонида мешавад
Дар канори шоҳроҳи Чанок-Душанбе беш аз 5 ҳазор бех ниҳол шинонида шуд
Дар чор ноҳияи шаҳри Душанбе зиёда аз 1000 бех арча шинонида шуд
ДАРАХТ БИНШОН! Дар Боғи фарҳангию фароғатии «Умари Хайём»-и шаҳри Душанбе 300 бех ниҳол шинонида шуд
ДАРАХТ БИНШОН! Дар Резервати биосферии «Ромит» беш аз 400 бех ниҳол шинонида шуд
МАСЛИҲАТИ МУТАХАССИС. Навдаҳои зиёдатии дарахтонро бояд охири зимистон ва аввали баҳор бурид
