Моҳи ноябр Озмуни ҷумҳуриявии «Зеҳни сунъӣ — имконияти рушд» баргузор мешавад
ДУШАНБЕ, 10.02.2026. /АМИТ «Ховар»/. Нимаи дуюми моҳи ноябри соли равон дар Тоҷикистон байни донишҷӯён ва муҳаққиқони ҷавон Озмуни ҷумҳуриявии «Зеҳни сунъӣ-имконияти рушд» баргузор мешавад, иттилоъ медиҳад АМИТ «Ховар» бо истинод ба Агентии инноватсия ва ва технологияҳои рақамиии назди Президенти Ҷумҳурии Тоҷикистон.
Озмуни ҷумҳуриявии «Зеҳни сунъӣ-имконияти рушд» бо мақсади иҷрои банди 36-и «Ҷадвали баргузории ҷашну солгард, фестивалу намоиш, иду озмунҳои фарҳангию маърифатӣ ва ҳунарҳои мардумӣ дар Ҷумҳурии Тоҷикистон барои соли 2026», ки бо Амри Президенти Ҷумҳурии Тоҷикистон аз 2 январи соли 2026 тасдиқ шудааст, гузаронида мегардад.
Агентии инноватсия ва ва технологияҳои рақамиии назди Президенти Ҷумҳурии Тоҷикистон дар якҷоягӣ бо вазоратҳои маориф ва илм, саноат ва технологияҳои нав, молия, рушди иқтисод ва савдо, кумитаҳои оид ба таҳсилоти ибтидоӣ ва миёнаи касбӣ, телевизион ва радио, кор бо ҷавонон ва варзиш, Хадамоти алоқа, Академияи миллии илмҳо, Мақомоти иҷроияи ҳокимияти давлатии шаҳри Душанбе ва КВД «Шаҳри ҳушманд» ҷиҳати дар сатҳи баланд ташкил намудани ин озмун вазифадор гардидаанд.
Ёдовар мешавем, ки Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олӣ 24 декабри соли 2024 барои вусъат бахшидан ба равандҳои инноватсионӣ ва истифодаи ҳамаҷонибаи имконияти технологияҳои рақамӣ дар иқтисодиёт солҳои 2025-2030-ро дар Тоҷикистон Солҳои рушди иқтисоди рақамӣ ва инноватсия эълон намуданд.
Мақсад аз баргузории Озмуни ҷумҳуриявии «Зеҳни сунъӣ-имконияти рушд» дарёфти беҳтарин мутахассисон дар ин самт, ҳавасмандгардонии ҷавонон ба ин соҳа, рушди инноватсия ва технологияҳои рақамӣ дар мамлакат мебошад.
АКС аз манбаъҳои боз
Мутахасисони Тоҷикистон дар Чин бо навовариҳои соҳаи пахтакорӣ шинос шуданд
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
