Намоиш — озмуни ҷумҳуриявии «Беҳтарин лоиҳаҳои меъморӣ ва шаҳрсозӣ» баргузор мешавад
ДУШАНБЕ, 09.02.2026. /АМИТ «Ховар»/. Моҳи августи соли равон Намоиш-озмуни ҷумҳуриявии «Беҳтарин лоиҳаҳои меъморӣ ва шаҳрсозӣ» баргузор мешавад. Озмун дар асоси «Ҷадвали баргузории ҷашну солгард, фестивалу намоиш, иду озмунҳои фарҳангию маърифатӣ ва анъанаю ҳунарҳои мардумӣ дар Ҷумҳурии Тоҷикистон барои соли 2026» доир мегардад.
Тавре аз Кумитаи меъморӣ ва сохтмони назди Ҳукумати Ҷумҳурии Тоҷикистон ба АМИТ «Ховар» изҳор доштанд, мақсад аз ташкили намоиш-озмуни ҷумҳуриявӣ, муайян кардани лоиҳаҳои беҳтарини меъморӣ байни меъморон, лоиҳакашон ва ҳайатҳои муаллифии Ҷумҳурии Тоҷикистон, муаррифии дастовардҳои лоиҳакашии муосир, мустаҳкам кардани аҳамияти иҷтимоии ихтисосҳои меъморӣ, шаҳрсозӣ ва сохтмон ва баланд бардоштани сифати муҳити фаъолияти ҳаётӣ мебошад.
Намоиш-озмуни ҷумҳуриявӣ аз рӯи номинатсияҳои зерин: лоиҳаи беҳтарини истиқоматии бисёрошёна; биноҳо ва маҷмааҳои иншооти иҷтимоӣ, ҷамъиятӣ ва фарҳангӣ (биноҳои таълимӣ, биноҳои табобатию истироҳатӣ, иншооти варзишӣ, марказҳои савдо, меҳмонхонаҳо, биноҳои маъмурӣ, паркҳои технологӣ) ва асари меъмории донишҷӯён (барои донишҷӯён ва коллективи эҷодӣ) гузаронида мешавад.
Ёдовар мешавем, ки соли 2025 барои иштирок дар намоиш-озмуни ҷумҳуриявӣ 140 лоиҳа аз рӯи номинатсияҳои номбаршуда пешниҳод гардид. Ҳамзамон аз ҷониби лоиҳакашони варзида зиёда аз 453 лоиҳаи беҳтарин ва макети биною иншооти таъйиноти гуногун ба намоиш гузошта шуд. Аз байни 140 лоиҳаи ба озмун пешниҳодшуда ҳайати ҳакамон беҳтаринҳоро муайян намуданд. Ғолибон аз ҷониби роҳбарияти Кумитаи меъморӣ ва сохтмон бо «Диплом» ва туҳфаҳои хотиравию молӣ қадрдонӣ гардиданд.
АКС: АМИТ «Ховар»
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
