НИШАСТИ МАТБУОТӢ. Соли 2025 беш аз 14 000 нафар соҳиби касб шуданд
ДУШАНБЕ, 03.02.2026 /АМИТ «Ховар»/. Соли 2025 зиёда аз 3 ҳазор номгӯй нақшаи таълимии ихтисосҳои зинаи таҳсилоти ибтидоии касбӣ таҳия, тасдиқ ва дастраси литсейҳо гардонида шуд. Инчунин дар доираи Лоиҳаи Иттиҳоди Аврупо «Кумаки техникӣ ба соҳаҳои маориф ва меҳнати Ҷумҳурии Тоҷикистон» 36 нақшаи намунавии таълимии модулӣ ва барномаи таълимии модулӣ барои ихтисосҳои таҳсили яксола ва машғулияти кӯтоҳмуддат таҳия ва тасдиқ карда шуд. Дар ин хусус имрӯз зимни нишасти матбуотӣ раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон Фарҳод Раҳимӣ ба хабарнигорон иттилоъ дод.
Фарҳод Раҳимӣ иброз дошт, ки 355 нафар машғулияти кӯтоҳмуддати марказҳои шуғли фосилавии назди литсейҳои касбии техникии нақлиёти автомобилӣ ва алоқаи шаҳри Душанбе, шаҳри Бохтар ва ноҳияи Шуғнонро хатм намуданд. Илова бар ин, дар ҳамкорӣ бо муассисаҳои таълимии ғайридавлатӣ, ки шаҳрвандонро ба машғулияти кӯтоҳмуддат фаро мегиранд, 2020 шаҳрванд соҳибкасб гардида, ҳоло 1824 нафар таҳсил доранд. Дар маҷмуъ, соли 2025 14 ҳазору 528 нафар ба касбомӯзӣ фаро гирифта шуданд, ки нисбат ба ҳамин давраи соли 2024 6207 нафар зиёд мебошад.
«Дар назди кумита Гурӯҳи татбиқи лоиҳаи «Таҳсилоти касбию техникӣ ва омӯзиш дар минтақаҳои кӯҳии Ҷумҳурии Тоҷикистон» амал менамояд. Ҳадаф ва вазифаи ин лоиҳа беҳтар намудани дастрасӣ ба таҳсилоти касбӣ, баланд бардоштани нуфуз ва сифати таҳсилоти касбӣ ва омӯзиш, паст кардани сатҳи бекорӣ дар байни гурӯҳҳои осебпазир, бахусус ҷавонон ва занон дар минтақаҳои кӯҳии ҷумҳурӣ ба шумор меравад»,-таъкид намуд раиси кумита.
Литсейҳои касбии техникӣ барои гузаронидани таҷрибаомӯзии истеҳсолӣ ва дарсҳои таълими истеҳсолӣ бо 562 ташкилоту корхонаи соҳавӣ шарномаи ҳамкорӣ ба имзо расонидаанд. Соли 2025 литсейҳои касбии техникӣ 6409 китоби дарсии фанҳои умумитаълимӣ ва 1639 китоби дарсии тахассусӣ харида, хонандагон бо китобҳои дарсии фанҳои умумитаълимӣ пурра таъмин мебошанд.
Дар нишаст гуфта шуд, ки аз 534 хатмкунанда 304 нафар ба ҷойи кор ҳозир гардида, нисбат ба 72 нафаре, ки бе сабаби узрнок ба кор ҳозир нашуданд, аз ҷониби муассисаҳои таълимӣ тадбир андешида шуд.
Раъно НУСРАТУЛЛО,
АМИТ «Ховар»
АКС: АМИТ «Ховар»
ИСТИҚЛОЛИЯТИ ДАВЛАТИИ ТОҶИКИСТОН ТО АБАД УСТУВОРУ ПОЯНДА БОШАД! Тавсифҳои истиқлолият аз суханҳои пурарзиши Президенти Тоҷикистон
«РУШДИ ҲУҚУҚИ ИНСОН ДАР 35 СОЛИ СОҲИБИСТИҚЛОЛИИ ТОҶИКИСТОН». Таҳти ин унвон конференсияи байналмилалӣ доир шуд
Дар солҳои соҳибистиқлолии Тоҷикистон андозаи нафақаҳо беш аз 20 маротиба индексатсия карда шуд
35 СОЛИ ИСТИҚЛОЛ: АЗ ОЗМОИШҲОИ ТАЪРИХ ТО БУНЁДИ ПОЯҲОИ ОЯНДАИ ДУРАХШОН. Андешаҳо дар ин маврид
Аз 1 сентябр маоши вазифавии кормандони соҳаҳои маориф, илм, фарҳанг, варзиш, тандурустӣ ва муассисаҳои соҳаи ҳифзи иҷтимоӣ зиёд карда мешавад
35-СОЛАГИИ ИСТИҚЛОЛИ ДАВЛАТӢ. Дар деҳаи Руҳафзои ноҳияи Темурмалик 9 иншооти таъйиноти гуногун ифтитоҳ гардид
Дар Тоҷикистон ҳавои моҳи якуми фасли тирамоҳ то 1 дараҷа гарм пешгӯӣ мешавад
Бо иштироки Сарвазири Тоҷикистон маросими супоридани мукофот ва ҷоизаҳои давлатӣ ба намояндагони касбу кори гуногун баргузор шуд
ПУРСИДЕД, ҶАВОБ МЕДИҲЕМ. Аз соли 2027 шаҳрвандони хориҷӣ дар Федератсияи Русия кадом талаботи навро бояд риоя намоянд?
Оид ба нақши Пешвои миллат дар таҳкими истиқлолият ва рушди Тоҷикистони соҳибистиқлол ҳамоиш доир шуд
Муассисаҳои таҳсилоти ибтидоӣ ва миёнаи касбӣ ба соли нави таҳсил омода мебошанд
ОГОҲӢ! Аз 29 то 31 август дар баъзе минтақаҳои Тоҷикистон омадани селҳои маҳаллӣ пешгӯӣ мешавад
