Соли 2025 беш аз 8 миллион нусха китоби дарсӣ чоп гардид
ДУШАНБЕ, 07.02.2026 /АМИТ «Ховар»/. Соли 2025 118 номгӯй китоби дарсӣ бо теъдоди 8 миллиону 51 ҳазор нусха аз озмуни чоп гузашта, аз ин шумора 95 номгӯй китоби дарсӣ бо теъдоди 6 миллиону 316 ҳазор нусха ба анбори китобҳои дарсии Вазорати маориф ва илми Ҷумҳурии Тоҷикистон ворид шуд. Дар ин хусус Вазири маориф ва илми Тоҷикистон Раҳим Саидзода 3 феврал зимни нишасти матбуотӣ ба хабарнигорон маълумот дод.
Иттилоъ дода шуд, ки дар умум давоми соли 2025 ба анбори китобҳои дарсии вазорат 8 миллиону 681 ҳазору 310 нусха китоби дарсӣ ва маводи таълимӣ ворид гардид, ки 94,8 фоизи нақшаро ташкил медиҳад. Вазорати маориф ва илм бори нахустин аст, ки ба чунин дастоварди назаррас, яъне чопи қариб 9 миллион нусха китоби дарсӣ ноил мегардад.
Соли 2025 бо қарори ҳайати мушовараи Вазорати маориф ва илми Ҷумҳурии Тоҷикистон дастхати 28 номгӯй китоби дарсӣ, 9 номгӯй дастури таълимию методӣ барои хонандагони муассисаҳои таҳсилоти умумӣ ва 151 номгӯй китоби дарсӣ барои муассисаҳои таҳсилоти олии касбӣ ба нашр тавсия карда шуд.
Ҳамзамон таъкид гардид, ки дар ин давра Вазорати маориф ва илм дар таҳия ва нашри китобҳои дарсии насли нав ба дастовардҳои назаррас ноил гардид. Китобҳои дарсии «Математика», «Забони тоҷикӣ» ва «Хониши адабӣ» барои синфи 1-ум аз ҷониби вазорат нашр шуда, ба муассисаҳои таҳсилоти умумӣ дастрас гардиданд. Инчунин дар ин давра мувофиқи Созишномаи байниҳукуматии Ҷумҳурии Тоҷикистону Федератсияи Русия 800 ҳазор нусха китоби дарсии насли нав аз фанни забони русӣ (иборат аз ду қисм) барои хонандагони синфҳои 3-4-уми муассисаҳои таҳсилоти умумии таълимашон бо забони тоҷикӣ нашр ва ба раёсату шуъбаҳои маориф дастрас карда шуд.
Инчунин дар ин давра ба раёсату шуъбаҳои маорифи шаҳру ноҳияҳои ҷумҳурӣ ва муассисаҳои дигари таълимӣ (гимназияву литсейҳо барои хонандагони болаёқат, муассисаҳои таҳсилоти ибтидоӣ, миёна ва олии касбӣ) 7 миллиону 150 ҳазору 889 нусха китоби дарсӣ ва маводи таълимӣ дастрас карда шуд. Ин шумора нисбат ба соли 2024 41,5% зиёд мебошад.
Муассисаи нашриявии «Маориф» дар давраи ҳисоботӣ 120 номгӯй адабиёти таълимии нақшавиро барои хонандагони муассисаҳои таҳсилоти умумӣ таҳрир, тасҳеҳ, тарроҳӣ ва ба чоп омода намуд.
Зарангези ЛАТИФ,
АМИТ «Ховар»
АКС: АМИТ «Ховар»
Дар Донишгоҳи давлатии омӯзгории Тоҷикистон ҷашни Наврӯз таҷлил гардид
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Дар Донишгоҳи давлатии Бохтар ду озмоишгоҳи муосир ба истифода дода шуд
Дар Литсей барои хонандагони болаёқат дар шаҳри Душанбе ҷашни Наврӯз бо риояи расму ойини миллӣ таҷлил гардид
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
