Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
ДУШАНБЕ, 08.02.2026. /АМИТ «Ховар»/. Моҳи июни соли равон дар пойтахти мамлакат — шаҳри Душанбе ба муносибати 1050-солагии нахустин бонуи соҳибдевони адабиёти тоҷику форс Робиаи Балхӣ баргузории конференсияи байналмилалии илмию назариявӣ дар назар дошта шудааст. Дар ин хусус АМИТ «Ховар» бо истинод ба Академияи миллии илмҳои Тоҷикистон хабар медиҳад.
Нақшаи чорабиниҳои баргузории Конференсияи байналмилалии илмию назариявӣ таҳти унвони «Робиаи Балхӣ-нахустбонуи соҳибдевони адабиёти тоҷику форс» ва чорабиниҳои канории он тасдиқ гардидааст. Тибқи нақшаи баргузории ин чорабинӣ, намоиши осори Робиаи Балхӣ ва дигар бонувони суханвари тоҷик-аз қадим то имрӯз баргузор мешавад. Ҳамчунин намоиши театрии «Робияи Балхӣ» ба нақша гирифта шудааст.
Ҳамзамон дар мавзуи «Робиаи Балхӣ ва бонувони суханвари ҳавзаи адабии Кӯлоб», «Робиаи Балхӣ ва бонувони суханвару ҳунарманди Балҷувон», «Робиаи Балхӣ-нидои ишқ» ва «Робиаи Балхӣ –намои бонуи суханвари тоҷик» дар шаҳру ноҳияҳои мамлакат маҳфилу ҳамоишҳо баргузор карда мешаванд.
Ёдовар мешавем, ки соли 2025 дар иҷлоси 43-юми Конфронси генералии ЮНЕСКО 1050-солагии Робиаи Балхӣ ба Феҳристи бузургдоштҳои ЮНЕСКО барои солҳои 2026-2027 ворид карда шуд.
Президенти Ҷумҳурии Тоҷикистон дар Паём ба Маҷлиси Олии Ҷумҳурии Тоҷикистон 16 декабри соли 2025 иброз доштанд, ки «аз ҷониби ЮНЕСКО қабул шудани қатъномаҳо дар мавриди бузургдошти 1050-солагии Робиаи Балхӣ далели ҷойгоҳи хоссаи меросу арзишҳои фарҳангиву маънавии тоҷикон дар тамаддуни умумибашарӣ мебошад».
Бояд ёдовар шуд, ки Робиа- духтари Каъби Қуздории Балхӣ (асри X) аз нахустин занони сухансарои забардаст ва соҳибдевони тоҷик дар аҳди давлатдории силсилаи некноми Сомониён аст, ки ба забони модарии мо шеърҳои ширину дилрас эҷод намудааст.
АКС аз манбаъҳои боз
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
Лоиҳаи «Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
3 феврал дар якчанд вазорату идораҳо нишастҳои матбуотӣ баргузор мегарданд
Дар Муассисаи давлатии «Тоҷикфилм» барои дастгирии лоиҳаҳои филмсозони ҷавон ягон монеа вуҷуд надорад
Ёдгориҳои Хутали Қадим таъриху фарҳанги бостонии миллати тоҷикро дар арсаи ҷаҳонӣ муаррифӣ менамояд
