Дар шаҳри Кӯлоб Ҷашни байналмилалии Наврӯз дар фазои идона ва руҳбахш бо шукуҳу шаҳомати хос таҷлил гардид
ДУШАНБЕ, 24.03.2026 /АМИТ «Ховар»/. Дар шаҳри Кӯлоб Ҷашни байналмилалии Наврӯз дар фазои идона ва руҳбахш бо шукуҳу шаҳомати хос таҷлил гардид. Боғи миллии ба номи Исмоили Сомонии шаҳр ба макони асосии баргузории тантанаҳои наврӯзӣ табдил ёфта, фазои идона ва руҳияи болидаи сокинону меҳмононро фароҳам овард. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Кӯлоб хабар медиҳад.
Меҳмонон дар даромадгоҳи Боғи миллӣ ба номи Исмоили Сомонӣ аз намоиши дастовардҳои ҳунариву меҳнатӣ, хони ҳафтсину ҳафтшин, таомҳои миллӣ ва маҳсули ҳунарҳои мардумии ҷамоати шаҳру деҳот ва ташкилоту муассисаҳо дидан намуданд. Гӯшаҳои наврӯзӣ бо завқу салиқаи баланд ороста шуда, таҷассумгари анъанаҳои неку деринаи миллӣ буданд.
Раиси вилояти Хатлон Давлаталӣ Саид иброз намуд, ки Наврӯз ҳамчун ҷашни аҷдодӣ ва мероси гаронбаҳои миллӣ рамзи эҳёи табиат, оғози зиндагии нав, дӯстиву ҳамдилӣ ва арҷгузорӣ ба суннатҳои ниёгон ба шумор меравад.
Ба шарофати Истиқлоли давлатӣ Наврӯз ба марҳалаи нави таърихии худ ворид гашт, шукуҳу шаҳомати тоза дарёфт ва чун як рукни муҳимми давлату миллат шинохтаю эътироф шуд. Гузашта аз ин, Наврӯзи тоҷикон бо қарори махсуси Созмони Милали Муттаҳид ба феҳристи арзишмандтарин мероси фарҳангии башарият ворид карда шуду мақоми ҷаҳонӣ пайдо намуд ва 21 март Рӯзи байналмилалии Наврӯз эълон гардид.
Барои чунин мақому мартабаи баланду бесобиқа дарёфтани Наврӯз Пешвои муаззами миллат муҳтарам Эмомалӣ Раҳмон аз сари меҳру муҳаббати бепоён ба арзишҳои маънавии халқи азизи худ ҷидду ҷаҳд ва талошҳои зиёд ба харҷ доданд.
АКС: Мақомоти иҷроияи ҳокимияти давлатии шаҳри Кӯлоб
Хабарнигорони Қирғизистон бо фаъолияти ду шабакаи телевизонӣ дар Тоҷикистон ва студияҳои сабти овоз шинос гардиданд
Ҷашни байналмилалии Наврӯзро дар ноҳияи Кӯшониён бо шаҳомати хосса таҷлил намуданд
Дар шаҳру ноҳияҳои Вилояти Мухтори Кӯҳистони Бадахшон Ҷашни байналмилалии Наврӯз ботантана таҷлил карда шуд
Ҷашни Наврӯзи байналмилалиро дар шаҳри Хуҷанд ботантана таҷлил намуданд
«ҲАФТ СИН» ВА «ҲАФТ ШИН». Ин анъанаи неки Наврӯз рамзи фаровонҳосилӣ ҳисобида мешавад
Ҷашни байналмилалии Наврӯзро дар шаҳри Ҳамбург таҷлил намуданд
Наврӯзи байналмилалӣ дар шаҳри Турсунзода ботантана таҷлил гардид
Бахшида ба Ҷашни байналмилалии Наврӯз дар ноҳияи Ёвон чорабиниҳои бошукуҳи фарҳангиву фароғатӣ баргузор гардиданд
Дар Душанбе доир ба таърихи ҷашни Наврӯз конфренсияи илмӣ-назариявӣ доир шуд
ТАНТАНАҲОИ НАВРӮЗӢ. Имрӯз дар боғҳои фарҳангӣ-фароғатии шаҳри Душанбе барномаҳои идона доир мешаванд
НАВРӮЗ — ЭҲЁГАРИ АНЪАНАҲОИ МИЛЛӢ. Дар Донишгоҳи давлатии Бохтар ҳамоиши тантанавӣ баргузор гардид
Дар Кумитаи ҳифзи муҳити зисти Тоҷикистон ҷашни Наврӯз бошукуҳ таҷлил карда шуд
