Сироҷиддин Муҳриддин бо мизбонон ва ҳамраисони муколамаҳои интерактивии Конфронси оби СММ-2026 вохӯрӣ намуд
ДУШАНБЕ, 19.03.2026 /АМИТ «Ховар»/. 18 март дар шаҳри Ню-Йорк мулоқоти Вазири корҳои хориҷии Ҷумҳурии Тоҷикистон Сироҷиддин Муҳриддин бо мизбонони Конфронси оби СММ–2026 ва ҳамраисони муколамаҳои интерактивии ин чорабинӣ баргузор гардид.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, дар чорабинӣ Сироҷиддин Муҳриддин бо таъкиди нақши калидии ҳамраисони муколамаҳои интерактивӣ иброз намуд, ки фаъолияти онҳо барои роҳнамоии самараноки муҳокимаҳо ва таъмини инъикоси ҳамаҷонибаи афзалият ва интизориҳои давлатҳои аъзо, инчунин дигар ҷонибҳои манфиатдор аҳаммияти муҳим дорад.
Ҳамзамон Вазири корҳои хориҷӣ оид ба аҳаммияти ташаббусҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар самти пешбурди рӯзномаи ҷаҳонии об изҳори назар намуда, ба раванди омодагӣ ба Конфронси чаҳоруми Раванди оби Душанбе (25–28 майи соли 2026) таваҷҷуҳи махсус зоҳир кард. Ӯ ҳозиринро барои иштироки фаъолона ва саҳмгузорӣ дар Конфронси Душанбе даъват намуд.
Мизбонони Конфронси оби СММ–2026 ва ҳамраисони муколамаҳои интерактивӣ, аз ҷумла ҳамраиси Конфронси оби Душанбе Ли Ҷунхуа, муовини Дабири кулли Созмони Милали Муттаҳид ташаббусҳои Ҷумҳурии Тоҷикистонро пуштибонӣ намуда, барои густариши ҳамкорӣ дар соҳаи мудирияти устувори захираҳои об изҳори омодагӣ намуданд.
АКС: Вазорати корҳои хориҷии Ҷумҳурии Тоҷикистон
Дар Фестивали байналмилалии гастрономӣ дар Беларус 20 намуди таоми миллии тоҷикон пешниҳод гардид
Сафири Тоҷикистон дар Арабистони Саудӣ бо роҳбарияти Созмони ҷаҳонии об мулоқот намуд
Сафири Тоҷикистон ба Вазири корҳои хориҷии Салтанати Умон нусхаи эътимоднома супорид
Дар Нью-Йорк натиҷаҳои Конфронси чоруми байналмилалӣ оид ба об баррасӣ гардиданд
Дар Душанбе машваратҳои сиёсии вазоратҳои корҳои хориҷии Тоҷикистону Чин баргузор гардид
Ҳамкорӣ байни Тоҷикистон ва Кувайт дар соҳаҳои гуногун баррасӣ гардид
Дар Душанбе Конфронси байналмилалӣ дар мавзуи «Осиёи Марказӣ – меҳвари СҲШ: фазои сулҳ ва рушди муштарак» баргузор шуд
Иқтидори Тоҷикистон дар Форуми глобалии энергетикӣ дар шаҳри Вашингтон муаррифӣ гардид
Ҳайати Тоҷикистон дар чорабинии канорӣ оид ба ҳамкорӣ дар самти рушди иҷтимоӣ дар Осиёи Марказӣ иштирок намуд
Дурнамои ҳамкорӣ байни Тоҷикистон ва Туркманистон дар доираи ЮНЕСКО баррасӣ шуд
Фарҳангу таърихи Тоҷикистон дар Фестивали байналмилалии донишгоҳи ADA-и Озарбойҷон муаррифӣ гардид
Дар шаҳри Гроднои Беларус мероси фарҳангии халқи тоҷик муаррифӣ гардид
