Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
ДУШАНБЕ, 14.03.2026 /АМИТ «Ховар»/. Масъалаҳои марбут ба ҳамкорӣ дар самти ҳифзи муҳити зист, баланд бардоштани устувории иқлимӣ ва мутобиқшавӣ ба тағйирёбии иқлим дар мулоқоти раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо директори Барномаи ҷаҳонии озуқавории Созмони Милали Муттаҳид дар Ҷумҳурии Тоҷикистон Симон Холлема дар шаҳри Душанбе баррасӣ гардид.
АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки яке аз масъалаҳои калидии мулоқот лоиҳаи нави «Баланд бардоштани устувории иқлимии ҷомеаҳои осебпазир дар Тоҷикистон тавассути мутобиқшавии маҳаллӣ» буд.
Лоиҳаи мазкур аз ҷониби Барномаи озуқавории ҷаҳонӣ дар ҳамкорӣ бо Маркази татбиқи лоиҳаҳои сармоягузори Кумита таҳия гардида, айни замон ҷиҳати баррасӣ ба Фонди иқлими сабз (GCF) пешниҳод шудааст.
Пас аз мулоқот ҳайати Барномаи озуқавории ҷаҳонӣ бо фаъолияти Маркази рақамикунонӣ ва инноватсияҳои Кумита шинос шуд. Инчунин аксияи муштараки ниҳолшинонӣ баргузор гардид, ки ба ҳифз ва беҳдошти муҳити зист ва дастгирии ташаббусҳои экологӣ равона гардид.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
ОБЁРИИ ҚАТРАГӢ ЧӢ БАРТАРӢ ДОРАД? Шарҳи коршинос дар ин мавзуъ
Дар Тоҷикистон беш аз 14 ҳазор гектар шолӣ кишт карда шудааст
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
Намояндагони Тоҷикистон дар Форуми байналмилалии зиддикоррупсионӣ иштирок намуданд
Дар Тоҷикистон аввалин маҷмааи муосири истеҳсоли шиша бунёд мегардад
Дар ноҳияи Сино низоми «Пардохти ягонаи коммуналӣ» дар марҳилаи пилотӣ ҷорӣ мегардад
Тоҷикистон бо чанд давлати ҷаҳон муносибати савдои хориҷӣ дорад?
Дар Душанбе Форуми рушди технологияҳои иттилоотию коммуникатсионӣ баргузор шуд
Дар доираи ҷаласаи 45-уми Шурои идоракунандагони GCF барои Тоҷикистон 2 лоиҳаи нави муҳим ба маблағи 190 миллион доллар тасдиқ гардид
Дар Душанбе ҷараёни корҳои пешакии лоиҳаи сохтмони метро дар пойтахт муҳокима гардид
