Дар Душанбе раванди татбиқи барномаи нави «Аз пиряхҳо то хоҷагидорон» баррасӣ гардид
ДУШАНБЕ, 10.04.2026. /АМИТ «Ховар»/. Раванди татбиқи барномаи нави «Аз пиряхҳо то хоҷагидорон», ки дар ҳамкорӣ бо Бонки Осиёии рушд таҳия гардидааст, дар мулоқоти Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо намояндагони Бонки Осиёии рушд, аз ҷумла директори гурӯҳии Осиёи Ҷанубу Шарқ ва Уқёнуси Ороми Дафтари бахши кишоварзӣ, озуқаворӣ, табиат ва рушди деҳоти Бонки Осиёии рушд Ҷиянфэн Чжан дар шаҳри Душанбе баррасӣ гардид.
АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки барномаи нави «Аз пиряхҳо то хоҷагидорон» ба ҳифзи пиряхҳо ва захираҳои табиӣ, мутобиқшавӣ ба тағйирёбии иқлим ва баланд бардоштани сатҳи огоҳии аҳолӣ равона шудааст.
Ҷонибҳо ҳамзамон масъалаҳои муҳими соҳаи ҳифзи муҳити зист, аз ҷумла ҳифзи пиряхҳо, беҳтар намудани сифати ҳавои атмосферӣ ва такмили низоми идоракунии партовҳоро мавриди баррасӣ қарор доданд. Таъкид гардид, ки густариши ҳамкории судманд дар ин самт барои таъмини рушди устувор ва беҳдошти вазъи экологии мамлакат аҳамияти муҳим дорад
Дар анҷом ҷонибҳо барои тақвияти ҳамкории минбаъда ва татбиқи муштараки лоиҳаҳои экологӣ изҳори омодагӣ намуда, аҳамияти ҳамоҳангсозии фаъолиятро дар самти ҳифзи муҳити зист таъкид карданд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
«ПОМИРИНВЕСТ-2026». Дар Форуми байналмилалии сармоягузорӣ 57 тафоҳумнома ба маблағи беш аз 6,5 миллиард сомонӣ ба имзо расид
Дар «Помиринвест-2026» иқтидори истеҳсолию саноатии Бадахшон муаррифӣ гардид
Ширкати ҳавопаймоии «Shohin Airlines» чор ҳавопаймои Airbus A320neo дастрас менамояд
Дар Душанбе ҷаласаи гурӯҳи кории техникӣ оид ба татбиқи Стратегияи рушди соҳаи алоқа доир шуд
«Стратегияи идоракунии партовҳои сахти маишӣ дар Ҷумҳурии Тоҷикистон барои давраи то соли 2040» ва «Маркази минтақавии идоракунии партовҳо дар шаҳри Душанбе» муаррифӣ гардид
Дар шаш моҳ ба Тоҷикистон дар ҳаҷми беш аз 5 миллиард доллар молу маҳсулот ворид гардидааст
Ҳаҷми умумии даромади буҷети давлатии Тоҷикистон 114,3 фоиз иҷро гардидааст
Ҳайати Тоҷикистон дар Форуми ҳамкорӣ ва рушди тиҷорати электронии Роҳи абрешим иштирок намуд
Тоҷикистон ҳамкориро дар соҳаи саноат бо шаҳри Чонгчини Чин густариш медиҳад
Дар Хадамоти зиддиинҳисорӣ оид ба танзими нархи молу маҳсулоти аз ҷиҳати иҷтимоӣ зарурӣ ҷаласаи Ситоди доимӣ доир шуд
Дар Неругоҳи барқи обии «Роғун» ҳамоиши техникӣ баргузор гардид
Роҳбарияти Бонки миллии Тоҷикистон ва намояндагони GGGI рушди маблағгузории устуворро баррасӣ намуданд
