Дар Коллеҷи информатика ва техникаи компютерии шаҳри Душанбе озмоишгоҳи физика ифтитоҳ шуд
ДУШАНБЕ, 06.04.2026. /АМИТ «Ховар»/. Дар Коллеҷи информатика ва техникаи компютерии шаҳри Душанбе озмоишгоҳи фанни физика ифтитоҳ гардид, хабар медиҳад АМИТ «Ховар» бо истинод ба Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон.
Раиси Кумита оид ба таҳсилоти ибтидоӣ ва миёнаи касбӣ Фарҳод Раҳимӣ иброз намуд, ки озмоишгоҳҳои муосир заминаи таҳқиқоти илмӣ ва рушди малакаҳои амалии донишҷӯёнро фароҳам оварда, дар рушди фанҳои табиӣ ва муҳандисӣ нақши муассир доранд. Чунин озмоишгоҳҳо ба баланд бардоштани сатҳи таълим, шиносоӣ бо таҷҳизоти муосир ва рушди малакаҳои таҷрибавии донишҷӯён мусоидат мекунанд.
Гуфта шуд, ки донишҷӯён бо таҷрибаҳои амалии физика на танҳо назарияро хуб меомӯзанд, балки малакаҳои ҳалли масъалаҳои амалӣ ва таҳлили илмиро низ такмил медиҳанд. Ин иқдом бо самтҳои стратегии рушди фанҳои табиӣ ва баланд бардоштани сатҳи рақобатпазирии мутахассисони ҷавон дар бозори меҳнат мувофиқ аст.
Озмоишгоҳ бо таҷҳизоти муосири лабораторӣ муҷаҳҳаз гардида, имкон медиҳад, ки таҷрибаҳои гуногуни физика, аз ҷумла механика, оптика, электр ва магнетизм, гармӣ ва равандҳои термодинамикӣ бо шеваи амалӣ иҷро карда шаванд.
Донишҷӯён низ дар ҳузури меҳмонон таҷрибаҳои ҷолибро иҷро карда, ба ин натиҷаи илмӣ расиданд, ки ин таҷрибаҳо маҳз дар шароити озмоишгоҳҳои муосир имконпазир мебошанд. Ҳозирин ба фаъолияти озмоишгоҳ ва сатҳи баланди таҷҳизоти он баҳои баланд дода, таъкид карданд, ки чунин иқдом барои рушди фанҳои табиӣ ва ташаккули малакаҳои илмии насли ҷавон заминаи устувор мегузорад.
Озмоишгоҳи фанни физика дар Коллеҷи информатика ва техникаи компютерии Душанбе ба муносибати «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (2020-2040) дар Тоҷикистон бо дастгирии Кумита оид ба таҳсилоти ибтидоӣ ва миёнаи касбӣ ва фаъолияти муҳими мақомоти маориф бунёд шуда, имконияти рушди донишҷӯён ва омӯзгоронро дар соҳаи физика ва муҳандисӣ таъмин менамояд.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
