«ТУ МОДАРИ БА ҶОН БАРОБАРАМ, ВАТАН!». Дар ноҳияи Ёвон Рӯзи даъватшаванда баргузор гардид
ДУШАНБЕ, 01.04.2026 /АМИТ «Ховар»/. Дар ноҳияи Ёвон бахшида ба оғози мавсими даъвати баҳории ҷавонон ба сафи Қувваҳои Мусаллаҳи Ҷумҳурии Тоҷикистон Рӯзи даъватшаванда баргузор шуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Ёвон иттилоъ медиҳад.
Раиси ноҳия Икромиддин Вализода зимни ифтитоҳи ҳамоиш иброз намуд, ки «хизмат дар сафи Қувваҳои Мусаллаҳи Ҷумҳурии Тоҷикистон барои ҳар ҷавонмарди ватандӯст қарзи муқаддас ва нишонаи садоқат ба Ватан ба ҳисоб меравад. Давлату Ҳукумати мамлакат барои беҳтар намудани шароити хизмат ва таъмини иҷтимоии сарбозон пайваста тадбирҳои муҳим меандешанд».
Ҳамчунин ба як зумра ҷавонон шаҳодатномаҳои ронандагӣ супорида шуданд.
Муовини Раиси вилояти Хатлон Абдулло Раҳмонзода афзуд, ки чунин иқдом дар доираи дастгириҳои давлату Ҳукумат амалӣ гардида, ба баланд бардоштани сатҳи омодагии ҷавонон ба хизмати ҳарбӣ мусоидат менамояд. Соҳибкасб будани ҷавонон, аз ҷумла доштани малакаи ронандагӣ дар сафи Қувваҳои Мусаллаҳ аҳамияти калон дорад.
Таъкид гардид, ки имрӯз ҷавонони ноҳия бо ҳисси баланди ватандӯстӣ ва масъулиятшиносӣ омодаанд, ки қарзи шаҳрвандиро дар назди Ватан-Модар сарбаландона иҷро намоянд.
Инчунин дар ин рӯз барномаи фарҳангӣ бо иштироки ҳунармандон пешкаш гардида, сурудҳои ватандӯстона ва рақсу таронаҳо фазои идонаро боз ҳам рангинтар гардониданд.
Дар анҷоми чорабинӣ даъватшавандагон бо дуоҳои нек ва орзуи муваффақият гусел карда шуданд. Ин иқдом нишонаи эҳтиром ва қадршиносӣ нисбат ба ҷавононе мебошад, ки барои ҳифзи амнияту оромии Ватан омода ба хизмат ҳастанд.
АКС: Мақомоти иҷроияи ҳокимияти давлатии ноҳияи Ёвон
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
