Вазири корҳои дохилии Тоҷикистон дар Форуми байналмилалӣ доир ба мубориза бо маводи нашъаовар иштирок намуд
ДУШАНБЕ, 22.04.2026. /АМИТ «Ховар»/. Дар Ҷумҳурии Узбекистон дар мавзуи «Муқовимат ба таҳдидҳои фаромиллии маводи нашъаовар ба хотири саломатӣ ва амнияти ҷамъиятӣ» форуми байналмилалӣ баргузор гардид. Дар кори форум аз Тоҷикистон Вазири корҳои дохилии Ҷумҳурии Тоҷикистон Рамазон Раҳимзода иштирок намуд.
Тавре ба АМИТ «Ховар» аз Вазорати корҳои дохилии Ҷумҳурии Тоҷикистон хабар доданд, форум 20-21 апрел бо иштироки намояндагони Ҳукумати Ҷумҳурии Узбекистон, созмонҳои байналмилалӣ, вазирони корҳои дохилӣ аз давлатҳои Иттиҳоди Давлатҳои Мустақил, Ҷумҳурии Мардумии Чин, Гурҷистон, Туркия, Италия ва Корея баргузор гардид.
Дар доираи форум Вазири корҳои дохилии Тоҷикистон Рамазон Раҳимзода бо Фармондеҳи Гвардияи миллии Ҷумҳурии Узбекистон Баходир Ташматов вохӯрӣ намуд.
Ҷонибҳо зимни вохӯрӣ роҳҳои пешгирии зуҳуроти номатлуби ҷомеа, бахусус таҳдидҳои фаромиллии маводи нашъаовар ба саломатӣ ва амнияти ҷамъиятиро баррасӣ намуданд.
Ҳамзамон Рамазон Раҳимзода бо Директори шуъбаи оперативии Раёсати Созмони Милали Муттаҳид оид ба маводи мухаддир ва ҷинояткорӣ Бо Матиасен вохӯрӣ кард.
Дар ҷараёни вохӯрӣ таваҷҷуҳи асосӣ ба масъалаи гардиши ғайриқонунии маводи нашъадор, хусусан маводи синтетикӣ равона гардид.
Дар доираи форум вохӯрии Вазири корҳои дохилии Тоҷикистон бо вазирони корҳои дохилии ҷумҳуриҳои Гурҷистон, Қирғизистон ва Узбекистон доир шуд. Дар ин вохӯриҳо масъалаҳои ҳамгироии минтақавӣ ба хотири истодагарӣ дар муқобили таҳдиду хатарҳои замони муосир мавриди баррасӣ қарор дода шуданд.
АКС: Вазорати корҳои дохилии Ҷумҳурии Тоҷикистон
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
