Дар доираи Конфронси 35-уми минтақавии Созмони озуқаворӣ ва кишоварзӣ ҷаласаи канорӣ оид ба татбиқи ҳуҷҷати «равиши ягонаи саломатӣ» баргузор шуд

Май 12, 2026 16:00

ДУШАНБЕ, 12.05.2026 /АМИТ «Ховар»/. Дар доираи баргузории Конфронси 35-уми минтақавии Созмони озуқаворӣ ва кишоварзии Созмони Милали Муттаҳид (ФАО) барои Аврупо ва Осиёи Марказӣ ҷаласаи канорӣ доир ба татбиқи ҳуҷҷати “равиши ягонаи саломатӣ” дар Аврупо ва Осиёи Марказӣ баргузор гардид.

Ҳуҷҷати мазкур таҳлили вазъи тағйирёбандаи бемориҳои фаромарзии ҳайвонотро (TADs) пешниҳод мекунад. Он инчунин мушкилот ва имконияти асосиро муайян карда, тавсияҳо медиҳад.

Дар ҷаласа иштирокдорон доир ба зарурати механизмҳои ҳамгирошудаи идоракунӣ, ҳамоҳангсозии пайвастаи байнисоҳавӣ ва сармоягузориҳои пешгирикунанда барои беҳбуди саломатӣ ва коҳиш додани осебпазирии ҳайвонот, наботот, системаҳои ғизо, биозахираҳои обӣ, микроорганизмҳо, муҳити зист ва одамон ба таъсири берунӣ ибрози назар намуданд.

Таъкид карда шуд, ки вазъият дар кишварҳои минтақаи Аврупо ва Осиёи Марказӣ гуногун буда, баъзе таҳдидҳо барои ҳама умумӣ мебошанд. Ба онҳо бемориҳои фаромарзӣ ва зоонозӣ, бемориҳои ғизоӣ, муқовимати зиддимикробӣ ва таъсири тағйирёбии иқлим ба маҳсулнокии чорво ва саломатии ҳайвонот дохиланд.

Пешниҳод гардид, ки таҳким ва муттаҳидсозии механизмҳои идоракунӣ дар доираи равиши ягонаи саломатӣ дар сатҳи миллӣ ва минтақавӣ бо таъсиси платформаҳои расмии ҳамоҳангсозии бисёрсоҳавӣ, ки ҳамоҳангсозии кори бахшҳо, аз қабили байторӣ, тандурустии ҷамъиятӣ ва амниятро таъмин мекунанд, дастгирӣ карда шавад.

Зарангези ЛАТИФ,
АМИТ «Ховар»

АКС: АМИТ «Ховар»

Май 12, 2026 16:00

Хабарҳои дигари ин бахш

Зеҳни сунъӣ ба яке аз технологияҳои серталабтарини асри рақамӣ аз лиҳози истеъмоли неруи барқ табдил меёбад
Аз ноҳияи Ҷалолиддини Балхӣ ба Қазоқистону Русия лимӯ содирот карда мешавад
Дар Тоҷикистон нахустин маротиба Форуми байналмилалии саноати ангишт доир мегардад
Дар Шаҳринав нақшаи ҷамъоварии пахта 187,4 фоиз иҷро шуд
Дар ноҳияи Ҷалолиддини Балхӣ кишти тиромоҳӣ идома дорад
Дар Тоҷикистон Барномаи савдои электронӣ ба бахши муҳими иқтисодиёт табдил ёфтааст
«Муждаи зафар». Дар ноҳияи Ёвон дурнамои истеҳсоли пахта барзиёд иҷро гардид
Дар даврони соҳибистиқлолии Тоҷикистон ба соҳаи энергетика 30 миллиард сомонӣ равона гардид
АЗ ДАРТМУТ ТО ДУШАНБЕ. Зеҳни сунъӣ нисбат ба қоидаҳое, ки истифодаи онро танзим менамоянд, ба маротиб тезтар рушд мекунад
Дар Минтақаи озоди иқтисодии «Суғд» муассисаҳои таълимӣ ва иншооти саноатӣ бунёд мегарданд
ЗЕҲНИ СУНЪӢ — ИМКОНИЯТ, МАСЪУЛИЯТ ВА ОЯНДАИ ИНСОН. Он ба ҷузъи муҳими ҳаёти инсон табдил ёфтааст
Дар Душанбе масъалаи тақвияти рақамикунонии давлатӣ баррасӣ гардид