Сафири Тоҷикистон Зубайдулло Зубайдзода бо Валиаҳди Давлати Кувайт мулоқот намуд
ДУШАНБЕ, 22.05.2026 /АМИТ «Ховар»/. 21 май Сафири Ҷумҳурии Тоҷикистон Зубайдулло Зубайдзода, ки ҳамзамон вазифаи роҳбари ҳайати корпуси дипломатии муқими Давлати Кувайтро бар уҳда дорад, бинобар анҷоми маъмурияти дипломатӣ бо Валиаҳди Давлати Кувайт шайх Сабоҳ Ал-Холид Ал-Ҳамад Ал-Муборак Ас-Сабоҳ мулоқот намуд. Дар ин хусус ба АМИТ «Ховар» аз Сафорати Ҷумҳурии Тоҷикистон дар Давлати Кувайт хабар доданд.
Зимни мулоқот Сафири Тоҷикистон салому паёми Президенти Ҷумҳурии Тоҷикистон муҳтарам Эмомалӣ Раҳмонро ба Амири Давлати Кувайт ва Валиаҳди ин кишвар расонид. Валиаҳди Давлати Кувайт барои паёми дӯстона изҳори сипосу қадрдонӣ намуда, эҳтиром ва таманниёти некашро ба роҳбарият ва мардуми Тоҷикистон баён кард.
Ҷонибҳо ҳолат ва дурнамои муносибатҳои дӯстона ва ҳамкории судманди дуҷонибаро баррасӣ намуда, аз рушди робитаҳои Тоҷикистону Кувайт дар бахшҳои сиёсӣ, иқтисодӣ, сармоягузорӣ, фарҳангӣ ва башардӯстона изҳори қаноатмандӣ карданд. Ҳамчунин саҳми Фонди кувайтӣ оид ба рушди иқтисоди араб дар татбиқи лоиҳаҳои муҳими иҷтимоию иқтисодӣ дар Тоҷикистон ва иқдомҳои охир ба хотири таҳкими ҳузури дипломатии ду кишвар мавриди таъкид қарор гирифт.
Дар анҷоми мулоқот Валиаҳди Давлати Кувайт саҳми Зубайдулло Зубайдзодаро дар таҳкими муносибатҳои Тоҷикистону Кувайт ва фаъолияти ӯ ҳамчун дуайени корпуси дипломатӣ баланд арзёбӣ намуда, ба ӯ барои фаъолияти пурсамараш изҳори сипос кард.
АКС: Сафорати Ҷумҳурии Тоҷикистон дар Давлати Кувайт
Сироҷиддин Муҳриддин бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ мулоқот намуд
«Барномаи ҳамкорӣ байни вазоратҳои корҳои хориҷии Тоҷикистон ва Туркманистон барои солҳои 2027–2028» ба имзо расид
Президенти Туркманистон бо Вазири корҳои хориҷии Тоҷикистон мулоқот намуд
Дар Теҳрон табодули таҷриба байни мутахассисони соҳаи тибби Тоҷикистон ва Эрон баррасӣ гардид
Сафири Тоҷикистон дар Кувайт бо раиси Гурӯҳи хадамоти ҳавопаймоии «Скай» мулоқот намуд
Дар Душанбе аҳаммияти ҳамкории байналмилалӣ барои таъмини рушди устувор баррасӣ гардид
Намояндаи доимии Тоҷикистон бо мудири кулли Дафтари СММ дар Вена мулоқот намуд
Дар Риёз ҳамкорӣ байни Муассисаи давлатии «Тоҷикфилм» ва Комиссияи синамои Арабистони Саудӣ баррасӣ шуд
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
