Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
ДУШАНБЕ, 06.06.2026 /АМИТ «Ховар»/. 5 июн дар шаҳри Бишкеки Қирғизистон ҷаласаи вазирони корҳои дохилӣ ва амнияти ҷамъиятии давлатҳои аъзои Созмони ҳамкории Шанхай (СҲШ) баргузор шуд, ки дар он ҳайати Тоҷикистон таҳти роҳбарии Вазири корҳои дохилии Ҷумҳурии Тоҷикистон Рамазон Раҳимзода иштирок намуд. Дар ин хусус ба АМИТ «Ховар» аз Сафорати Ҷумҳурии Тоҷикистон дар Ҷумҳурии Қирғизистон хабар доданд.
Иштирокчиёни ҷаласа масъалаҳои муқовимат ба терроризм, экстремизм, сепаратизм, ҷинояткории муташаккили фаромиллӣ ва гардиши ғайриқонунии маводи мухаддир, инчунин таҳдиду хатарҳои муосири марбут ба истифодаи технологияҳои рақамӣ дар фаъолияти ғайриқонунӣ, ҳамзамон масъалаҳои таҳкими ҳамкории байналмилалӣ дар самти таъмини амнияти ҷамъиятӣ ва табодули таҷриба байни мақомоти ҳифзи ҳуқуқи давлатҳои аъзои Созмони ҳамкории Шанхайро мавриди баррасӣ қарор доданд.
Вазири корҳои дохилии Тоҷикистон Рамазон Раҳимзода нақши муҳими Созмони ҳамкории Шанхайро ҳамчун минбари муассири таҳкими эътимод, ҳамоҳангсозии талошҳои муштарак ва таҳияи равишҳои мувофиқашуда дар муқовимат ба таҳдидҳои муосири амниятӣ иброз намуда, зарурати гузариш аз равишҳои эъломиявӣ ба тадбирҳои амалии ҳамкории мақомоти ҳифзи ҳуқуқ, аз ҷумла таъсиси шабакаҳои ҳифзшудаи мубодилаи фаврии иттилоот, тавсеаи таҷрибаи баргузории машқҳои муштараки зиддитеррористӣ, ташаккули механизмҳои ягонаи муқовимат ба маблағгузории терроризм ва экстремизм, инчунин такмили низоми омодасозии мутахассисони соҳавиро махсус таъкид намуд.
Гуфта шуд, ки дар шароити таҳдиду хатарҳои глобалӣ такмили минбаъдаи механизмҳои ҳамкории мақомоти ҳифзи ҳуқуқ, таҳкими мубодилаи иттилоот, пешгирии радикализатсия, муқовимат ба паҳншавии идеологияи экстремистӣ, инчунин рушди тадбирҳои муштарак дар мубориза бо гардиши ғайриқонунии маводи мухаддир ва ҷинояткории фаромиллӣ аҳамияти махсус касб менамояд.
Иштирокчиёни ҷаласа зарурати таҳкими минбаъдаи ҳамкории мақомоти салоҳиятдори давлатҳои аъзои Созмони ҳамкории Шанхай, такмили механизмҳои ҳамоҳангсозӣ ва баланд бардоштани самаранокии амалҳои муштаракро барои таъмини амнияти минтақавӣ ва ҳифзи тартиботи ҷамъиятӣ тасдиқ намуданд.
Дар ҳошияи чорабинӣ мулоқотҳои кории ҳайати Тоҷикистон бо роҳбарони мақомоти ҳифзи ҳуқуқи давлатҳои аъзои Созмони ҳамкории Шанхай баргузор шуданд, ки зимни онҳо масъалаҳои рушди минбаъдаи ҳамкорӣ, табодули таҷриба ва таҳкими ҳамоҳангӣ дар соҳаи таъмини амният мавриди баррасӣ қарор гирифтанд. Аз натиҷаи ҷаласа Протоколи дахлдор ба имзо расонида шуд.
АКС: Сафорати Ҷумҳурии Тоҷикистон дар Ҷумҳурии Қирғизистон
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
