Байни Тоҷикистон ва Гурҷистон Созишнома ҳамкорӣ дар соҳаи алоқаи ҳавоӣ ба имзо расид
ДУШАНБЕ, 19.06.2026 /АМИТ «Ховар»/. Имрӯз пас аз анҷоми мулоқоту музокироти байниҳукуматии Тоҷикистон ва Гурҷистон 11 санади нави ҳамкорӣ, аз ҷумла Созишнома байни Ҳукумати Ҷумҳурии Тоҷикистон ва Ҳукумати Гурҷистон оид ба алоқаи ҳавоӣ ба имзо расид, иттилоъ медиҳад АМИТ «Ховар» бо истинод ба Агентии авиатсияи граждании назди Ҳукумати Ҷумҳурии Тоҷикистон.
Тибқи иттилои манбаъ, Агентии авиатсияи граждании назди Ҳукумати Ҷумҳурии Тоҷикистон ва Агентии авиатсияи граждании Гурҷистон бо эътирофи муҳимияти ҳамлу нақли ҳавоӣ ҳамчун воситаи ташаккулу густариши дӯстӣ, ҳамдигарфаҳмӣ ва ҳамкорӣ байни ду давлат ҷиҳати таҳкими имконот ва иқтидори нақлиёти ҳавоии байналмилалӣ Созишномаи ҳамкорӣ имзо намуданд.
Тибқи ин санад, Агентии авиатсияи граждании назди Ҳукумати Ҷумҳурии Тоҷикистон ва Агентии авиатсияи граждании Гурҷистон дар самти фаъолияти тиҷоратӣ, таъиноти ширкатҳои ҳавопаймоӣ ва иҷозатномадиҳӣ, бехатарии авиатсионӣ ва парвозҳо ҳамкорӣ менамоянд.
Созишномаи ҳамкорӣ аз 23 банд иборат буда, бо мақсади густариши ҳамкорӣ байни Ҳукумати Ҷумҳурии Тоҷикистон ва Ҳукумати Гурҷистон дар соҳаи алоқа таҳия, пешниҳод ва мувофиқа шудааст.
Дар доираи татбиқи ин санад, имконияти ташкили хатсайрҳои мустақими мунтазам байни шаҳрҳои Тоҷикистон ва Гурҷистон, рушди ҳамкорӣ дар соҳаи нақлиёти ҳавоӣ, хизматрасонии алоқаи ҳавоӣ ва сайёҳӣ фароҳам оварда мешавад.
Дар доираи ин созишнома, ҷонибҳо метавонанд дар ҳар вақти зарурӣ барои гузаронидани машваратҳои соҳавӣ вобаста ба меъёрҳои бехатарии парвозҳо, ҳайати сарнишин, ҳавопаймоҳо ва баҳрабардории ҳавопаймоҳо, ки аз ҷониби тарафи аҳдкунандаи дигар тасдиқ гардидаанд, дархост ирсол намояд.
Созишнома барои густариши муносибатҳои дуҷониба дар соҳаи ҳамлу нақли ҳавоӣ, ҷалби сайёҳон ва рушди сармоягузорӣ, мустаҳкам намудани робитаҳои дустӣ, ҳамдигарфаҳмӣ ва ҳамкорӣ байни ду кишвар, таҳкими имконот ва иқтидори нақлиёти ҳавоии байналмилалӣ, ба роҳ мондани парвозҳои доимӣ ба шаҳрҳои Гурҷистон, заминаи мусоид фароҳам меорад.
Дар асоси санади мазкур соҳаи авиатсияи граждании Тоҷикистону Гурҷистон дар самти фаъолияти тиҷоратӣ, таъйиноти ширкатҳои ҳавопаймоӣ ва иҷозатномадиҳӣ, бехатарии авиатсионӣ ва парвозҳо ҳамкорӣ менамоянд.
АКС: Агентии авиатсияи граждании назди Ҳукумати Ҷумҳурии Тоҷикистон
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
