Дар Агентии обуҳавошиносӣ риояи Чаҳорчӯбаи васеъшудаи шаффофият дар доираи Созишномаи Парижро баррасӣ карданд
ДУШАНБЕ, 06.06.2026 /АМИТ «Ховар»/. Дар Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон ҷаласаи Кумитаи роҳбарикунандаи лоиҳаи «Тақвият бахшидани иқтидори Ҷумҳурии Тоҷикистон ҷиҳати риояи Чаҳорчӯбаи васеъшудаи шаффофият дар доираи Созишномаи Париж (CBIT)» баргузор гардид. Дар ин хусус АМИТ «Ховар» бо истинод ба Агентии обуҳавошиносӣ хабар медиҳад.
Дар ҷаласа директори Агентии обуҳавошиносии назди Кумитаи ҳифзи муҳити зисти назди Ҳукумати Ҷумҳурии Тоҷикистон Абдулло Қурбонзода, Директори иҷроияи намояндагии Ташкилоти озуқа ва кишоварзии Созмони Милали Муттаҳид (ФАО) дар Ҷумҳурии Тоҷикистон Агаси Арутюнян ва аъзои Кумитаи роҳбарикунанда иштирок намуданд.
Дар мулоқот ҷонибҳо аз ҳамкории самарабахш дар самти татбиқи муқаррароти Созишномаи Париж, таҳкими иқтидори миллӣ ва андешидани тадбирҳои муассир ҷиҳати коҳиш додани таъсири тағйирёбии иқлим ёдовар шуданд.
Ҳадафи асосии ҷаласа баррасии натиҷаҳои амалисозии лоиҳаи «Тақвият бахшидани иқтидори Ҷумҳурии Тоҷикистон ҷиҳати риояи Чаҳорчӯбаи васеъшудаи шаффофият дар доираи Созишномаи Париж (CBIT)» дар солҳои 2025–2026 ва муҳокимаи қадамҳои минбаъда барои татбиқи босамари лоиҳа барои соли 2027 арзёбӣ гардид.
Иштирокдорон ҷараёни иҷрои чорабиниҳои пешбинишуда, дастовардҳо ва масъалаҳои марбут ба таҳкими низоми миллии ҳисоботдиҳӣ ва шаффофиятро баррасӣ намуда, вобаста ба марҳилаҳои минбаъдаи татбиқи лоиҳа ва иҷрои уҳдадориҳои байналмилалии Ҷумҳурии Тоҷикистон тавсияҳои мушаххас пешниҳод намуданд.
АКС: Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон
Дар Бонки миллии Тоҷикистон бо иштироки Намояндагии UNICEF малакаҳои амалии молиявӣ баррасӣ гардид
Бонки миллӣ ба ифтихори 35-солагии Истиқлоли давлатии Тоҷикистон тангаҳои хотиравиро ба муомилот баровард
Душанбе мизбони Фестивали зеҳни сунъӣ ва технологияҳои рақамӣ — «AI ALLEY» мегардад
Аз шаҳри Турсунзода ба шаҳру ноҳияҳои мамлакат беш аз 70 ҳазор тонна маҳсулот содирот гардид
Ниҳодҳои олии аудити Тоҷикистон ва Чин ҳамкориро тақвият мебахшанд
Дар даҳ соли охир ҳаҷми маҷмуи маҳсулоти дохилӣ беш аз 3 баробар зиёд гардидааст
Мавсими ҷамъоварии ҳосили пахта дар ноҳияи Зафаробод оғоз гардид
Бонки Осиёии Рушд механизми маблағгузории таҷдиди марзҳо ва мусоидат ба тиҷорат дар минтақаи ҲИМОМ-ро тасдиқ намуд
Рушди молияи давлатӣ: аз ташаккули низоми мустақили молиявӣ то идоракунии рақамии буҷет
Дар доираи татбиқи лоиҳаи озмоишӣ платформаи рақамӣ таҳия мегардад
Тоҷикистон ва Хазинаи байналмилалии асъор ҳамкориро дар соҳаи саноат тақвият медиҳанд
Сарвазири Тоҷикистон бо Президенти Фонди ОПЕК оид ба рушди байналмилалӣ мулоқот намуд
