Дар Душанбе Рӯзи фарҳанги ноҳияи Ҷалолиддини Балхӣ доир шуд
ДУШАНБЕ, 21.06.2026 /АМИТ «Ховар»/. Дар Боғи фарҳангию фароғатии ба номи Абулқосим Фирдавсии шаҳри Душанбе Рӯзи фарҳанги ноҳияи Ҷалолиддини Балхӣ дар фазои идона баргузор гардид, иттилоъ медиҳад АМИТ «Ховар».
Рӯзи фарҳанги ноҳия бо намоиши ҳунарҳои мардумӣ, анвои гуногуни маҳсулоти нонӣ ва маҳсулоти кишоварзӣ, ки дар ҳар гӯшаи боғ бо завқи баланди эстетикӣ оро дода шуда буд, оғоз гардид. Дар идомаи чорабинӣ ҳунармандони шуъбаи фарҳанги ноҳия бо барномаи ҷолиби консертӣ табъи ҷамъомадагонро болида гардониданд.
Ноҳияи Ҷалолиддини Балхӣ беш аз 210 ҳазор нафар аҳолӣ дошта, минтақаи муҳими аграрӣ ба шумор меравад. Кишоварзони ноҳия ҳамасола бо истифодаи оқилонаи обу замин ҳосили баланду дилхоҳ рӯёнида, дар таъмини амнияти озуқавории мамлакат ва содирот намудани он ба хориҷи мамлакат нақши муҳим доранд.
Барои сазовор истиқбол гирифтани ҷашни 35-солагии Истиқлоли давлатӣ дар ноҳия аз ҷониби соҳибкорони маҳаллӣ ва сокинон иншооти таъиноташон гуногун мавриди истифода қарор дода шуданд, ки дар ободиву пешрафти ноҳия саҳми назаррас гузоштаанд. Соли 2022 бо иштироки Президенти мамлакат муҳтарам Эмомалӣ Раҳмон дар ноҳия мақбараи Ҷалолиддини Балхӣ ифтитоҳ гардид. Пораи хок аз оромгоҳи асосии шоир аз шаҳри Қунияи Туркия оварда, тибқи муқаррароти дини ислом ба оромгоҳи шоир гузошта шуд. Имрӯзҳо ихлосмандони ашъори пурғановати шоир имкон доранд мақбараи ӯро дар ин ноҳия дидан намоянд.
Ба истиқболи ҷашни 35-солагии Истиқлоли давлатӣ дар ноҳияи Ҷалолиддини Балхӣ бунёди 340 биною иншооти соҳаҳои гуногун пешбинӣ гардид. Соли 2025 бунёди 43 иншоот ба нақша гирифта шуда буд. Ба ҷои 43 иншоот дар 11 моҳи соли 2025 64 иншоот ба истифода дода шуд, ки нақшаи солона 149 фоиз иҷро гардид.
Иттилоъ дода шуд, ки дар 19 муассисаи таълимӣ 129 синфхонаи иловагӣ бо ҷалби мақомоти маҳаллӣ, соҳибкорон, сокинон ва сармояи хориҷӣ сохта, мавриди истифода қарор гирифт. Инчунин дар доираи «Барномаи рушди иҷтимоию иқтисодии ноҳия барои солҳои 2021–2025» 4 бунгоҳи тиббӣ дар деҳаҳои Обшорон, Ангурзор, Зарводӣ ва Ҳаёти Нав мавриди истифода қарор гирифт.
Сокинони ноҳия талош доранд, ки ҷашни муқаддаси миллӣ, 35-солагии Истиқлоли давлатиро бо дастовардҳои баланди меҳнатӣ таҷлил намоянд.
АКС: АМИТ «Ховар»
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
РӮДАКӢ — ЧАРОҒИ МАЪРИФАТИ МИЛЛАТ. Одамушшуаро насли имрӯз ва фардоро ба омӯхтан ва некӣ кардан даъват намудааст
Дар Ҳамбурги Олмон 35-солагии Истиқлоли давлатии Тоҷикистон таҷлил гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Дар иншооти ҷашнии ноҳияи Ашт корҳои ободониву созандагӣ идома доранд
Намояндагони баландпояи Бонки ҷаҳонӣ бо мукофотҳои давлатии Ҷумҳурии Тоҷикистон сарфароз гардиданд
Дар Екатеринбург 35-солагии Истиқлоли давлатии Тоҷикистонро таҷлил намуданд
ШЕЪРИ РӮДАКӢ — ПАЁМИ ДОНИШУ ХИРАД ВА НАКӮКОРИЮ ҶАВОНМАРДӢ. Эҳдо ба Рӯзи Рӯдакӣ
«ҲУҶҶАТИ МИЛЛӢ БА НОМИ РӮДАКӢ БОЯД ГИРИФТ…». Ва ё ҳамзабону ҳаммиллати Устод Рӯдакӣ будан шарафи бузург аст
Сарвари давлат Эмомалӣ Раҳмон дар шаҳри Хуҷанд аз чойхонаи Сирдарё дидан намуданд
