Дар Сафорати Тоҷикистон дар Амороти Муттаҳидаи Арабӣ Рӯзи Ваҳдати миллӣ таҷлил шуд
ДУШАНБЕ, 26.06.2026 /АМИТ «Ховар»/. 25 июн дар Сафорати Ҷумҳурии Тоҷикистон дар Амороти Муттаҳидаи Арабӣ ба муносибати 29-солагии Рӯзи Ваҳдати миллӣ чорабинии тантанавӣ баргузор гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Амороти Муттаҳидаи Арабӣ хабар доданд.
Сафири Фавқулода ва Мухтори Ҷумҳурии Тоҷикистон дар Амороти Муттаҳидаи Арабӣ Ашрафҷон Гулов зимни суханронӣ саҳми бузурги Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро дар истиқрори давлатдории миллӣ, раванди барқарорсозии сулҳу ваҳдати миллӣ, таъмини соҳибихтиёрӣ, дастовардҳои даврони соҳибистиқлолӣ ва афзоиши мақому эътибори Тоҷикистон дар арсаи байналмилалӣ махсусан таъкид намуд.
Бо мақсади пешбурди афкори ватандӯстӣ, ҳувиятсозӣ, худшиносӣ, эҳёи суннатҳои миллӣ, арҷгузорӣ ба арзишҳои таърихию фарҳангии ниёгон, дар чорабинӣ намоиши либосу асбобҳои мусиқӣ, ҳунарҳои дастии мардумӣ ва хӯрокҳои гуногуни миллии тоҷикӣ пешкаш карда шуданд.
Бо инобати саҳмгузорӣ дар муаррифии шоистаи ҷумҳурӣ ва ташвиқи арзишҳои миллӣ дар хориҷа, ба якчанд тоҷикони муқими Аморот сипоснома аз номи роҳбарияти сафорат тақдим гардид.
Ба хотири болидаруҳӣ ва фароғати ҳамватанони бурунмарзӣ дар бахши фарҳангии ҷамъомад барномаи рангини консертӣ доир шуд.
АКС: Сафорати Ҷумҳурии Тоҷикистон дар Амороти Муттаҳидаи Арабӣ
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
Сафири Тоҷикистон дар вохӯрии муовини Котиби давлатии ИМА бо сафирони кишварҳои Осиёи Марказӣ иштирок намуд
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
