Муовини якуми Сарвазири Тоҷикистон бо Атташеи минтақавии Британияи Кабир оид ба таҳримҳо мулоқот намуд
ДУШАНБЕ, 10.06.2026 /АМИТ «Ховар»/. Дар шаҳри Душанбе мулоқоти муовини якуми Сарвазири Ҷумҳурии Тоҷикистон Ҳоким Холиқзода бо Атташеи минтақавии Британияи Кабир оид ба таҳримҳо Дуглас Кларк баргузор шуд. Дар ин хусус АМИТ «Ховар» бо истинод ба Бонки миллии Тоҷикистон итттилоъ медиҳад.
Дар мулоқот изҳор гардид, ки Тоҷикистон ба густариши ҳамкории судманд бо шарикони байналмилалӣ таваҷҷуҳи хос дошта, барои таъмини шаффофият, устувории низоми молиявӣ ва мутобиқ намудани фаъолияти бахши молиявӣ ба стандартҳои байналмилалӣ тадбирҳои заруриро амалӣ менамояд.
Ҷонибҳо доир ба вазъи кунунии ҳамкорӣ ва таҳкими ҳамоҳангсозии бахши молиявӣ мубодилаи афкор намуда, масъалаҳои марбут ба самти низоми бонкии Ҷумҳурии Тоҷикистон, татбиқи самараноки талаботу меъёрҳои байналмилалӣ, инчунин тақвияти механизмҳои назоратӣ ва идоракунии хавфҳоро баррасӣ намуданд.
Аташеи минтақавии Британияи Кабир оид ба таҳримҳо Дуглас Кларк ҳамкории ҳайати Ҷумҳурии Тоҷикистонро бо шарикони байналмилалӣ дар самти тақвияти механизмҳои ҳамоҳангсозӣ ва рушди муносибатҳои минбаъда судманд арзёбӣ кард.
Раиси Бонки миллии Тоҷикистон доир ба тадбирҳое, ки бонк барои устувории низоми бонкӣ, риояи талаботи байналмилалӣ оид ба назорат ва идоракунии хавфҳо ва тақвияти комплаенс дар ташкилотҳои қарзии молиявӣ ба роҳ мондааст, ибрози андеша намуд.
Дар анҷом мусоҳибон омодагии худро барои идомаи ҳамкории судманд ва густариши робитаҳо дар самтҳои мавриди таваҷҷуҳи тарафайн изҳор доштанд.
АКС: Бонки миллии Тоҷикистон
Сарвазири Тоҷикистон бо Президенти Фонди ОПЕК оид ба рушди байналмилалӣ мулоқот намуд
35 СОЛИ ИСТИҚЛОЛ ВА МАРҲИЛАИ НАВИ РУШД. Барои ҷомеаи муосири мо ин се даҳсола асри таҳаввулоти ҷиддии фикрӣ, технологӣ ва менеҷмент ба шумор меравад
35 СОЛИ СОҲИБИСТИҚЛОЛИИ ТОҶИКИСТОН. Дар Бадахшон иқтидори энергетикӣ ба 70 МВт расонида шуд
Ҳавопаймои хатсайри Душанбе–Минск бо маросими анъанавӣ истиқбол гирифта шуд
ҚУРБИ АСЪОР: 1 рубли русӣ аз 0.0980 то 0.1077 сомонӣ муқррар шудааст
Покистон тасмим гирифтааст, ки ҳамкориро бо Тоҷикистон дар соҳаи сайёҳӣ густариш диҳад
Моҳи сентябр дар Тоҷикистон панҷумин Форуми Осиёи Марказӣ оид ба пиринг ва пайвастшавӣ доир мегардад
ИМРӮЗ — РӮЗИ АНГИШТКАНОН. Истихроҷи ангишт то ба 3 миллион тонна расонида мешавад
Дар хоҷагии деҳқонии «Боғи Сомон»-и шаҳри Турсунзода мавсими тайёр кардани мавиз оғоз гардид
Рақамикунонӣ — омили муҳими рушди бехатарии озуқаворӣ дар сарҳад ва нақлиёт
Ширкати «Жонгшан»-и Чин дар Тоҷикистон ҳавзҳои муосири моҳидорӣ бунёд менамояд
«РОҒУН» — РАМЗИ ҚУДРАТИ ЭНЕРГЕТИКИИ ТОҶИКИСТОН ДАР АРСАИ БАЙНАЛМИЛАЛӢ. Андешаҳо дар ин маврид
