Намояндаи Ҳизби Коммунистии Чин дар Осорхонаи миллии Тоҷикистон бо таъриху фарҳанги тоҷикон шинос шуд
ДУШАНБЕ,12.06.2026 /АМИТ «Ховар»/. Дар доираи иштирок дар Форуми байналмилалии «Ҳизбҳои сиёсӣ ва уфуқҳои нави ҳамкорӣ», ки бо иштироки намояндагони ҳизбҳои сиёсии кишварҳои дӯсту шарик дар шаҳри Душанбе баргузор гардид, муовини сардори шуъбаи байналмилалии Кумитаи марказии Ҳизби Коммунистии Ҷумҳурии Мардумии Чин хонум Сун Хайян дар Осорхонаи миллии Тоҷикистон бо таъриху фарҳанг, тамаддун ва мероси ғании халқи тоҷик шинос шуд.
АМИТ «Ховар» бо истинод ба Осорхонаи миллии Тоҷикистон иттилоъ медиҳад, ки ба меҳмонон бо забони чинӣ сайри муфассали осорхонавӣ ташкил карда шуда, дар ҷараёни он меҳмонон бо нигораҳои нодир, бозёфтҳои бостоншиносӣ, намунаҳои арзишманди таърихиву фарҳангӣ, инчунин дастовардҳои тамаддуни чандҳазорсолаи тоҷикон аз наздик шинос шуданд.
Ҳамзамон оид ба марҳилаҳои асосии рушди давлатдорӣ, фарҳанг, санъат ва ҳунарҳои мардумии тоҷикон ба меҳмонон маълумоти муфассал пешниҳод гардид.
Сун Хайян аз сатҳи баланди ташкилу баргузории намоишгоҳҳо ва муҳтавои ғании толорҳои намоишии Осорхонаи миллӣ изҳори қаноатмандӣ намуда, таассурот ва андешаҳои худро дар китоби «Меҳмонони фахрӣ» дарҷ намуд.
АКС: Осорхонаи миллии Тоҷикистон
Дар Душанбе рӯзҳои фарҳанги вилоятҳои Хатлону Суғд, ноҳияҳои Ванҷ, Шуғнон ва Рӯшон баргузор мегарданд
Оид ба вазъ ва дурнамои хизматрасонӣ ба истифодабарандагон дар китобхонаҳо ҳамоиш доир шуд
Дар Душанбе Рӯзи фарҳанги ноҳияи Варзоб баргузор шуд
Дар Душанбе Рӯзи фарҳанги ноҳияи Муъминобод шукуҳманд баргузор гардид
Имрӯз дар боғҳои пойтахт рӯзҳои фарҳанги шаҳри Роғун, ноҳияҳои Варзоб ва Муъминобод баргузор мегарданд
Рӯзи фарҳанги ноҳияи Шамсиддин Шоҳин дар Душанбе баргузор гардид
Рӯзи фарҳанги ноҳияҳои Тоҷикободу Нуробод бо шукуҳу шаҳомати хос баргузор шуд
35-СОЛАГИИ ИСТИҚЛОЛИ ДАВЛАТӢ ВА ОСОРХОНАИ МИЛЛӢ. Нақши ин ниҳод дар ҳифзу муаррифии дастовардҳои истиқлол муҳим аст
Имрӯз дар боғҳои Душанбе рӯзҳои фарҳанги ноҳияҳои Шамсиддин Шоҳин, Тоҷикобод ва Нуробод баргузор мегарданд
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 228 нафар хатм намуданд
«ТОҶИКИСТОН — КИШВАРИ ЁДГОРИҲОИ НОДИР». Дар Италия намоиши шоҳкорҳои беназири мероси таърихию фарҳангии Тоҷикистон доир мегардад
Дар Душанбе рӯзҳои фарҳанги шаҳри Роғун, ноҳияҳои Шамсиддин Шоҳин, Тоҷикобод, Нуробод, Муъминобод ва Варзоб баргузор мегарданд
