«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
ДУШАНБЕ, 27.06.2026 /АМИТ «Ховар»/. Дар Душанбе бо ибтикори Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ ва ташкилоти ибтидоии ҳизбии «Манзил»-и Кумитаи хоҷагии манзилию комуналии назди Ҳукумати Ҷумҳурии Тоҷикистон таҳти унвони «Пешвои миллат–Пешвои сулҳ ва ташаббускори иқдомҳои ҷаҳонӣ» ҳамоиши тантанавӣ доир гардид.
Тавре ба АМИТ «Ховар» аз Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ хабар добанд, ҳамоиш бахшида ба қабули қатъномаи Маҷмааи Умумии Созмони Милали Муттаҳид вобаста ба «Даҳсолаи байналмилалӣ оид ба таҳкими сулҳ барои наслҳои оянда, солҳои 2027-2036» ва 29–солагии Рӯзи Ваҳдати миллӣ баргузор гардид.
Дар ҷамъомад иброз шуд, ки ин қатънома, ки аз ҷониби Президенти Ҷумҳурии Тоҷикистон муҳтарам Эмомалӣ Раҳмон пешниҳод шудааст, ҷиҳати ҳалли низоъҳо, барқарорсозии сулҳу субот, таҳкими фарҳанги сулҳ, густариши ҳамкорӣ байни давлатҳо, сулҳи пойдор ва фарогир дар асоси ҳуқуқи байналмилалӣ ва фароҳам овардани шароити амну босубот барои наслҳои имрӯзу ояндаи ҷаҳон мусоидати фаъол менамояд.
Қабули қатънома далели равшани эътирофи нақши пешоҳанги Тоҷикистон ва Пешвои миллат муҳтарам Эмомалӣ Раҳмон дар пешбурди рӯзномаи ҷаҳонии сулҳ мебошад.
Дар охир ба як зумра кормандони фаъоли Кумитаи хоҷагии манзилию комуналии назди Ҳукумати Ҷумҳурии Тоҷикистон «Ифтихорнома» ва «Сипоснома»-и Ҳизби Халқии Демократии Тоҷикистон, Кумитаи иҷроияи Ҳизби Халқии Демократии Тоҷикистон дар шаҳри Душанбе ва Кумитаи иҷроияи ҳизб дар ноҳияи Фирдавсӣ супорида шуд.
АКС: Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ
Ҳамкории Тоҷикистон бо Гурҷистон дар такмили низоми нафақа густариш меёбад
ОМОДАГӢ БА ЗИМИСТОН. Муассисаҳои тандурустии шаҳри Хуҷанд ба мавсими сармо ҳамаҷониба омода мешаванд
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
ТАРЗИ ҲАЁТИ СОЛИМ. Камҳаракатӣ барои пайдоиши бемориҳои гуногун замина фароҳам меорад
