Тоҷикистон ва Латвия ҳамкориро дар соҳаи инноватсия ва технологияҳои рақамӣ густариш медиҳанд
ДУШАНБЕ, 10.06.2026 /АМИТ «Ховар»/. Тоҷикистон ҳамкориро бо Латвия дар бахши инноватсия ва технологияҳои рақамӣ густариш медиҳад. Ин ва дигар масъалаҳои марбути соҳа дар мулоқоти муовини якуми директори Агентии инноватсия ва технологияҳои рақамии назди Президенти Ҷумҳурии Тоҷикистон Ҳаким Исмоилзод бо сафири навтаъйини Ҷумҳурии Латвия дар Ҷумҳурии Тоҷикистон бо қароргоҳ дар шаҳри Тошканд Гиртс Яунземс дар шаҳри Душанбе баргузор гардид. Дар ин хусус АМИТ «Ховар» бо истинод ба Агентии инноватсия ва технологияҳои рақамии назди Президенти Ҷумҳурии Тоҷикистон иттилоъ медиҳад.
Дар мулоқот масъалаҳои рушди ҳамкории дуҷониба дар соҳаи технологияҳои рақамӣ ва инноватсия баррасӣ гардид. Ҳамзамон, ҷонибҳо доир ба самтҳои рақамикунонии хизматрасониҳои давлатӣ, рушди иқтисоди рақамӣ, таҳкими амнияти киберӣ, татбиқи технологияҳои зеҳни сунъӣ, табодули таҷрибаи пешқадам ва бозомӯзии кадрҳои соҳавӣ ибрози назар намуданд.
Дар анҷом мусоҳибон омодагии худро барои ҷоннок намудани ҳамкории соҳавӣ, татбиқи ташаббусҳои муштарак ва таҳкими равобит дар самтҳои инноватсия ва технологияҳои рақамӣ таъкид доштанд.
АКС: Агентии инноватсия ва технологияҳои рақамии назди Президенти Ҷумҳурии Тоҷикистон
Ҳолатҳои ҳуқуқвайронкунии гумрукӣ дар Тоҷикистон коҳиш ёфтаанд
Ҳамкории тиҷоратию иқтисодии вилоятҳои Суғд ва Ботканд густариш меёбад
Тоҷикистон ва Муғулистон ҳамкориро дар соҳаи ҳифзи муҳити зист тақвият медиҳанд
НИШАСТИ МАТБУОТӢ. Аз ҳисоби андозҳо ва дигар пардохтҳои ҳатмӣ беш аз 17 миллиард сомонӣ ба буҷети давлатӣ ворид гардид
Байни Ҷумҳурии Тоҷикистон ва Муғулистон Ёддошти тафоҳум оид ба ҳамкорӣ дар соҳаи кӯҳкорӣ ба имзо расид
Вазорати молияи Тоҷикистон 81 лоиҳаи санади меъёрии ҳуқуқӣ таҳия намуд
НИШАСТИ МАТБУОТӢ. Аз ҷониби Агентии назорати давлатии молиявӣ ва мубориза бо коррупсияи Тоҷикистон 331,4 миллион сомонӣ зарари молиявӣ ошкор гардид
Байни Тоҷикистон ва Муғулистон ҳамлу нақли байналмилалии автомобилии мусофирон ва борҳо ба роҳ монда мешавад
Ҳамкории Тоҷикистону Муғулистон дар самти таҳқиқоти геологӣ таҳким меёбад
Нақшаи пардохтҳои гумрукӣ дар шаш моҳ қариб 8 миллиард сомонӣ иҷро шуд
Тоҷикистон ва Муғулистон дар самти пешбурди содирот ва ҷалби сармоягузорӣ ҳамкориро густариш медиҳанд
Соҳибкор аз Тоҷикистон Шарифбек Давлатов дар Муғулистон бо медали фахрии «Роҳи Абрешим» қадрдонӣ гардид
