Давоми шаш моҳи соли 2026 дар Душанбе 47 ҳолати монеъ шудан ба таҳсилоти ҳатмии ноболиғон ошкор карда шуд
ДУШАНБЕ, 14.07.2026 /АМИТ «Ховар»/. Давоми шаш моҳи соли 2026 дар шаҳри Душанбе аз ҷониби мақомоти ҳифзи ҳуқуқ 47 ҳолати монеъ шудан ба таҳсилоти ҳатмии ноболиғон ба қайд гирифта шуд. Дар ин хусус ба АМИТ «Ховар» аз Раёсати Вазорати корҳои дохилӣ дар шаҳри Душанбе хабар доданд.
Нисбат ба волидайни ин ноболиғон тибқи талаботи моддаи 164 Кодекси ҷиноятии Ҷумҳурии Тоҷикистон парвандаҳои ҷиноятӣ оғоз гардида, мавриди тафтиш қарор доранд.
Таълиму тарбияи фарзандон яке аз муҳимтарин вазифа ва масъулияти падару модар ба ҳисоб меравад. Бо вуҷуди ин, баъзе волидайн дидаю дониста, талаботи қонун ва ҳуқуқу манфиатҳои кӯдаконро поймол намуда, барои таҳсили фарзандон монеа эҷод мекунанд.
Пешвои миллат муҳтарам Эмомалӣ Раҳмон 9 марти соли 2024 дар мулоқот бо фаъолону намояндагони ҷомеа ва ходимони дин иброз доштанд, ки «вақте ки мову шумо фарзанд ба дунё меорем, яке аз вазифаҳои муқаддаси падару модар тарбия кардани фарзанд аст. Мо фарзандонамонро бояд босавод кунем, бо одобу ахлоқи ҳамида тарбия кунем, то касбу ҳунар гиранд, илм омӯзанд, забон омӯзанд. Вақте фарзанд бесавод мемонад, бе касб мемонад, бе ҳунар мемонад, дар қади кӯча кораш гадоӣ мешавад ё ҷиноят содир мекунад ё маводи мухаддир истеъмол мекунад, яъне дар зиндагӣ доимо азият мекашад».
Мақомоти ҳифзи ҳуқуқ шаҳрвандон, бахусус падару модаронро пайваста даъват менамоянд, ки нисбат ба таълиму тарбияи фарзандон масъулияти баланд эҳсос намуда, ҳуқуқи онҳоро ба таҳсил риоя ва барои фаро гирифтани онҳо ба таҳсилоти ҳатмӣ мусоидат намоянд.
АКС: Раёсати Вазорати корҳои дохилӣ дар шаҳри Душанбе
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
Дар Паради ҳарбӣ ба муносибати 35-солагии Истиқлоли давлатӣ беш аз 27 ҳазор нафар иштирок намуданд
