Агентии «Тоҷикстандарт» дар шаҳри Душанбе 110 кг маҳсулоти гуногуни ҳасибии пастсифат ва ғайристандартиро ошкор намуд
ДУШАНБЕ, 27.08.2026 /АМИТ «Ховар»/. Дар доираи гузаронидани мониторинги назоратӣ ва санҷиши инспексионию корҳои фаҳмондадиҳӣ аз ҷониби кормандони Агентии «Тоҷикстандарт» дар коргоҳи истеҳсоли маҳсулоти ҳасибии «Ориёнӣ», воқеъ дар кӯчаи Муҳаммадӣ, 4-и ноҳияи Фирдавсии шаҳри Душанбе, ки ба соҳибкор М. Ҷамолов тааллуқ дорад, маҳсулоти гуногуни ҳасибии пастсифат ва ғайристандартӣ ошкор карда шуд. Дар ин хусус АМИТ «Ховар» бо истинод ба Агентии «Тоҷикстандарт» хабар медиҳад.
Маҳсулоти мазкур дар ҳаҷми 110 кг тибқи санади дахлдор ҳамчун маҳсулоти муҳлати истеъмолиаш гузашта ва ғайриқобили истифода аз коргоҳ гирифта шуда, барои нобудсозӣ равона карда шуд.
Муайян гардид, ки дар дохили коргоҳ маҳсулоти гуногуни ҳасибӣ, ки бо сабаби нодуруст нигоҳ доштан сифати худро гум карда, ба талаботи регламентҳои техникӣ ҷавобгӯ нест ва инчунин муҳлати истеъмоли баъзе аз онҳо гузаштааст, ошкор гардид.
Ҳамзамон аз маҳсулоти истеҳсолшаванда намунаҳо гирифта шуда, барои муайян намудани нишондиҳандаҳои сифат ва бехатарӣ ба озмоишгоҳи маҳсулоти хӯроквории Агентии «Тоҷикстандарт» ирсол гардид.
Бо ин мақсад Агентии «Тоҷикстандарт» аз истеҳсолкунандагон, соҳибкорон ва фурӯшандагон даъват менамояд, ки ҳангоми истеҳсол, нигоҳдорӣ, борҷомакунӣ ва ҳамлу нақли маҳсулот талаботи ҳуҷҷатҳои меъёрии техникӣ ва қоидаҳои бехатарии маҳсулотро қатъиян риоя намоянд.
Соҳибкорон низ бояд барои пешгирии воридшавии маҳсулоти муҳлати истеъмолаш гузашта ва ғайристандартӣ ба бозори истеъмолӣ тадбирҳои зарурӣ андешанд, зеро сифат ва бехатарии маҳсулот кафолати саломатии истеъмолкунандагон ва ҳимояи бозори истеъмолӣ мебошад.
АКС: Агентии «Тоҷикстандарт»








Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд
Фонди иқлими сабз барои рушди соҳаи тандурустии Тоҷикистон 2 миллион доллар ҷудо менамояд
Лоиҳаи «Барномаи нави саноатикунонии босуръати Тоҷикистон барои солҳои 2026-2030» таҳия гардидааст
Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад






