ИСТИҚЛОЛИЯТ ВА РУШДИ МАОРИФ. Давоми 26 сол дар ноҳияи Восеъ 16 муассисаи нав бунёд карда шуд
ДУШАНБЕ, 24.08.2026 /АМИТ «Ховар»/. Давоми солҳои соҳибистиқлолӣ дар ноҳияи Восеъ ба соҳаи маориф таваҷҷуҳи хосса зоҳир шуда, шумораи муассисаҳои таълимӣ, хонандагон ва омӯзгорон ба таври назаррас афзоиш ёфтааст. Дар ноҳия дар соли таҳсили 2025-2026 86 муассисаи соҳаи маориф фаъолият менамояд, ки аз ин шумора 10 адади он муассисаҳои томактабӣ мебошанд. Ин шумора нисбат ба солҳои 2000-2001 16 адад зиёд аст. Дар ин хусус ба АМИТ «Ховар» аз шуъбаи маорифи ноҳияи Восеъ хабар доданд.
Сохтмони муассисаҳои таълимӣ
Тавре мудири шуъбаи маорифи ноҳия Умедҷон Музаффаров иттилоъ дод, дар доираи нақшаи чорабиниҳои ҷашни 35-солагии Истиқлолияти давлатии Ҷумҳурии Тоҷикистон давоми соли 2026 дар ноҳияи Восеъ 1 муассисаи таҳсилоти миёнаи умумии дорои 8 синфхона бо 192 ҷойи нишаст дар як баст ва бо 384 ҷойи нишаст дар ду баст ба истифода дода шуд.
Инчунин тибқи нақша дар ноҳия 10 бинои иловагӣ иборат аз 119 синфхона бо фарогирии 2920 ҷойи нишаст дар 1 баст ва дар назди 7 муассисаҳои таълимӣ сохтмони 27 синфхонаи иловагӣ бо теъдоди 715 ҷойи нишаст сохта, ба истифода дода мешавад.
Ҳамзамон сохтмони 3 муассисаи томактабии хусусӣ ва 1 муассисаи томактабии давлатӣ оғоз гардидааст.
Имтиёзҳои омӯзгорон
Масъалаи бо истифода аз Қарори Ҳукумати Ҷумҳурии Тоҷикистон «Дар бораи муқаррар намудани имтиёзҳо барои омӯзгорони ҷавон» дар шаҳру ноҳияҳо ҳавасманд намудани омӯзгорони ҷавон дар маркази таваҷҷуҳи роҳбарияти ноҳияи Восеъ қарор дорад. Дар доираи ин тадбирҳо дар ноҳия 20 омӯзгор соҳиби қарзи имтиёзнок гардиданд.
Иқдоми мазкур барои хизматҳои арзанда, рушди соҳаи маориф ва таълиму тарбияи насли наврас ба роҳ монда шуд.
Олимпиадаҳои фаннӣ
Ҳамин аст, ки дар соли таҳсили 2025-2026 хонандагони муассисаҳои таълимии ноҳияи Восеъ дар олимпиадаи вилоятӣ соҳиби 10 медали тилло, 22 медали нуқра ва 16 медали биринҷӣ гардиданд. Дар олимпиадаҳои ҷумҳуриявӣ соҳиби 84 медал, аз ҷумла медали 1 тилло, 6 медали нуқра ва 77 медали биринҷӣ гардиданд.
Хонандагони муассисаҳои таҳсилоти миёнаи умумии ноҳия соли 2025-2026 низ дар олимпиадаҳои байналмилалӣ натиҷаҳои назаррас ба даст оварданд. Дар умум хонандагон аз олимпиадаҳои байналмилалӣ 379 медал ба даст оварданд. Аз ин шумора 123 нафар медали тилло, 123 нафар медали нуқра ва 133 нафар медали биринҷиро соҳиб гардиданд.
Зарангези ЛАТИФ,
АМИТ «Ховар»
АКС: АМИТ «Ховар»
Дар Хатлон 37 хатмкунанда соҳиби аттестати аълои универсалӣ ва равиявӣ гардид
«МАКТАБИ ПЕШСАФ — МАКТАБИ ШАРИК». Дар муассисаҳои таълимии вилояти Хатлон таҳти чунин унвон низоми нав амалӣ карда мешавад
Осори Робиаи Балхӣ ба 10 забони хориҷӣ тарҷума карда шуд
Сарвари давлат Эмомалӣ Раҳмон дар ноҳияи Файзобод бинои нави муассисаи таҳсилоти миёнаи умумии №11-ро мавриди истифода қарор доданд
ИСТИҚЛОЛИ ДАВЛАТӢ ВА РУШДИ ИЛМУ МАОРИФ ДАР ТОҶИКИСТОН. Таҳти чунин унвон конференсияи илмӣ-назариявӣ доир шуд
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо Бонки Осиёии Рушд баррасӣ гардид
САНАИ САРНАВИШТСОЗИ МИЛЛАТ. Эҳдо ба 35–солагии Истиқлоли давлатии Тоҷикистон
Хонандагони Тоҷикистон дар Олимпиадаи байналмилалии муҳандисӣ-кайҳонӣ сазовори ҷойи дуюм шуданд
ИСТИҚЛОЛИЯТ ВА РУШДИ МАОРИФ. Барои рушди ин соҳа дар Бадахшон зиёда аз 422 миллион сомонӣ пешбинӣ шудааст
ИСТИҚЛОЛИЯТ ВА РУШДИ МАОРИФ. Ҳаҷми маблағгузории соҳаи маориф давоми 25 соли охир 224 баробар зиёд гардид
Дар Сеул оид ба сиёсати рушди сармояи инсонӣ дар соҳаи зеҳни сунъӣ форуми байналмилалӣ доир гардид
Байни Вазорати маориф ва илм ва Маркази байналмилалии иртиботи фарҳангии Малайзия Ёддошти тафоҳум ба имзо расид
