Дар ноҳияи Хуросон ҷамъоварии пахта идома дорад
ДУШАНБЕ, 17.09.2026 /АМИТ «Ховар»/. Пахтакорони Ҷамоати деҳоти Айнии ноҳияи Хуросон тибқи нақша соли равон 3 ҳазор тонна пахта ҷамъоварӣ менамоянд. То имрӯз 650 тонна пахта ба корхонаҳои коркарди ноҳия супорида шудааст.
Тавре дар суҳбат бо хабарнигори АМИТ «Ховар» раиси Ҷамоати деҳоти Айнӣ Мансур Насруллоев иброз дошт, дар ҳудуди ҷамоат 1700 гектар замини корами обӣ мавҷуд буда, 243 хоҷагии деҳқонӣ фаъолият менамоянд. Кишоварзон замини дарихтиёрдоштаашонро самаранок истифода бурда, вобаста ба иқлими ноҳия ба парвариши зироати гуногуни кишоварзӣ машғул мебошанд.
Дар ноҳияи Хуросон хоҷагии деҳқонии «Бобои Хидир» фаъолият мекунад. Аз 40 гектар замини хоҷагӣ дар 33 гектари пунбадона ба тариқи плёнка ва анъанавӣ кишт карда шудааст. Ҳоло дар қитъаҳои хоҷагӣ ҷамъоварии пахта идома дорад. Кишоварзони ин хоҷагӣ дар кишти такрорӣ инчунин картошка, сабзӣ, пиёз ва шалғам парвариш намудаанд.
Роҳбари хоҷагӣ Бобошер Хидиров иброз намуд, ки «чанд сол мешавад дар баробари парвариши пахта ва дигар навъҳои зироат мо дар гармхонаи муосир қулфинай парвариш мекунем ва аз он фоидаи зиёд ба даст меорем. Дар хоҷагии мо чор гармхонаи барҳаво бо технологияи муосир таъмин карда шуда, имконияти беҳтари парвариши қулфинайро доранд. Аз ҳосили бадастоварда на танҳо бозори истеъмолии ноҳия, балки шаҳри Душанбе низ таъмин карда мешавад. Азбаски хоҷагии мо дар сари роҳи калон ҷойгир аст, соҳибкорон маҳсулоти истеҳсолнамудаамонро сари вақт омада мебаранд ва маҳсулоти тару тозаро пешниҳоди харидорон мегардонанд».
АКС: АМИТ «Ховар»
Дар Туркманистон ҷаласаи 95-уми Комиссияи байнидавлатии ҳамоҳангсозии хоҷагии обии Осиёи Марказӣ доир шуд
«Саноатсодиротбонк» ба натиҷаҳои назарраси молиявӣ ноил гардид
Бунёди зеристгоҳи нави барқии 220 кВ дар шаҳри Душанбе ва таҷдиду навсозии НБО «Варзоб-2» баррасӣ гардид
Дастовардҳои миллии Тоҷикистон дар Намоишгоҳи кишварҳои ИДМ муаррифӣ гардиданд
Дар Душанбе Форуми сеюми соҳибкории кишварҳои Осиёи Марказӣ ва Амрико доир мегардад
ИМРӮЗ-РӮЗИ ҶАҲОНИИ ПОЧТА. «Почтаи Тоҷикистон» то соли 2030 ба маркази миллии логистика ва хизматрасониҳои рақамӣ табдил меёбад
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
