Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
ДУШАНБЕ, 05.09.2026 /АМИТ «Ховар»/. 4 сентябр дар Парлумони Тоҷикистон ба ифтихори 35-солагии Истиқлолияти давлатӣ, дар фазои идона рӯнамоии китобҳои ҷашнии нашрияи расмии Ҷумҳурии Тоҷикистон – рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» баргузор шуд.
Тавре АМИТ «Ховар» бо истинод ба Парлумони Тоҷикистон хабар медиҳад, дар чорабинӣ муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ, муовини Сарвазири Ҷумҳурии Тоҷикистон Дилрабо Мансурӣ, муовини Раиси шаҳри Душанбе Дилбар Одилзода, шоирону нависандагон, вакилони Маҷлиси намояндагон ва дигарон иштирок намуданд.
Муовини Раиси Маҷлиси намояндагон Мавсума Муинӣ иброз намуд, ки таҳия ва нашри китобҳои «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» нишон медиҳад, ки рӯзномаи «Ҷумҳурият» дар баробари тарғиби сиёсати бунёдкоронаи Пешвои муаззами миллат, арзишҳои бебаҳои сулҳу ваҳдати миллӣ, эҳё ва шаклгирии низоми муосири давлатдорӣ, ҳамчунин дар камолоти фикрии ҷомеа, бедорию худогоҳии миллӣ ба унвони дастгоҳи пурқуввати идеологӣ хидмат мекунад.
Инчунин дар рӯнамои муовини Сарвазири ҷумҳурӣ Дилрабо Мансурӣ, Раиси итттифоқи нависандагони Тоҷикистон Низом Қосим, Шоири халқии Тоҷикистон Муҳтарам Ҳотам ва дигарон аз хизматҳои шоёни Роҳбари давлат муҳтарам Эмомалӣ ва фарзандони фарзонаи миллат ёдовар шуданд.
Чопу ба дасти хонанда супурдани ин китобҳо дар соли 2026-ро Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ, ки бо пешниҳоди Президенти Тоҷикистон муҳтарам Эмомалӣ Раҳмон эълон гардид, ташаббуси огоҳонаест, ки ҳадафҳои пешбинишуда дар доираи ин солро амалан пайгирӣ менамояд.
Тайи даҳ соли охир аҳли эҷоди рӯзномаи «Ҷумҳурият» ба хотири рушди таъриху тамаддуни миллӣ ва ҳамзамон муаррифии шоистаи хидматҳои мондагори фарзонафарзандони миллат 14 озмуни ҷумҳуриявию байналмилалиро баргузор намудааст.
Китоби «Эмомалӣ Раҳмон ва эҳёи тамаддуни ориёӣ» доир ба хидматҳои мондагори Сарвари давлат муҳтарам Эмомалӣ Раҳмон маълумот медиҳад. Китобҳои «Бозгашти қаҳрамон» ва «Бозгашти қаҳрамон 2» бошад доир ба ҷонбозию фидокориҳои Қаҳрамонони миллат Нусратулло Махсум ва Шириншоҳ Шоҳтемур қисса мекунанд.
Чопи китоб, тарғиби он, инак, даҳ сол боз ба як рисолати ҷиддии нашрияи «Ҷумҳурият» табдил ёфтааст.
АКС: Парлумони Тоҷикистон
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
Дар Панҷакент иншооти иҷтимоӣ ва хизматрасонӣ ифтитоҳ гардиданд
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
