Дар Душанбе Рӯзҳои кинои Эрон оғоз гардиданд
ДУШАНБЕ, 16.10.2026 /АМИТ «Ховар»/. Дар доираи сеюмин Синамоҷоизаи миллии «Тоҷи Сомон», ки аз 15 то 20 октябр дар шаҳри Душанбе мегузарад, Рӯзҳои кинои Эрон оғоз гардиданд.
Тавре ба АМИТ «Ховар» аз Муассисаи давлатии «Тоҷикфилм» хабар доданд, дар кинотеатри «Наврӯз»-и пойтахт филми эронии «Дар оғӯши дарахт» ба намоиш гузошта шуд. Ҳамчунин филмҳои «Сипеҳри Эрон» ва «Қиморбоз» пешкаши тамошобинон гардонида мешаванд.
Зимни баргузории Рӯзҳои кинои Эрон тамошобинон имкон пайдо намуданд, ки бо филмҳои муосир, дастовардҳои синамои Эрон ва равандҳои нави рушди санъати кинои ин кишвар шинос шаванд.
Таъкид гардид, ки баргузории чунин чорабиниҳои фарҳангӣ дар таҳкими робитаҳои дӯстӣ ва ҳамкории фарҳангии Тоҷикистону Эрон, густариши муколамаи эҷодӣ ва табодули таҷриба байни синамогарони ду кишвар нақши муҳим дорад.
Рӯзҳои кинои Эрон яке аз бахшҳои барномаи байналмилалии Синамоҷоизаи миллии «Тоҷи Сомон» буда, ба муаррифии дастовардҳои синамои Эрон ва таҳкими ҳамкории фарҳангӣ байни ду давлат равона гардидаанд.
Ёдовар мешавем, ки Синамоҷоизаи миллии «Тоҷи Сомон» барои муаррифии дастовардҳои синамои миллӣ ва байналмилалӣ, густариши робитаҳои фарҳангӣ ва рушди ҳамкории эҷодӣ байни синамогарони кишварҳои дӯст заминаи мусоид фароҳам меорад.
АКС: Муассисаи давлатии «Тоҷикфилм»
Дар Душанбе бахшида ба Рӯзи театр ҳамоиш доир гардид
Дар Душанбе намоиши асарҳои рассомони Тоҷикистону Чин доир гардид
Одил Дониш аз Осорхонаи миллии Тоҷикистон боздид намуд
Ҳаракати фарҳангии «Корвони китоб» дар минтақаи Кӯлоб идома дорад
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Ҷилди панҷуми китоби «Таърихи халқи тоҷик» рунамоӣ гардид
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
Доир ба таъриху фарҳанги Кӯшониён конфронси ҷумҳуриявӣ баргузор шуд
Маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» оғоз гардид
«КОРВОНИ КИТОБ-2026». Беш аз 6 ҳазор нусха китоб ба шаҳру ноҳияҳои минтақаи Кӯлоб ройгон тақдим мегардад
Дар мавзуи «Шинохти Мавлоно дар ҷаҳони муосир» ҳамоиши илмӣ доир шуд
Густариши ҳамкории фарҳангии Тоҷикистону Озарбойҷон баррасӣ гардид
